Acts 11:2-6

²Fa’ani yan Peter nga Jerusalem, me cheal e pi’in nba’aram ni yad ba’adag ni ngkun maad’adnag e pi’in gathi yad piyu Israel ngar thibthib niged Peter ni lungurad,

³“I gur e mman nga tafen e pi’in ndawor ni maad’ad ngorad ni girdi’ ni gathi yad piyu Israel, ma ku mu’un ngorad ko abich!”

⁴Ma aram me weliy Peter ngorad murung’agen urngin e tin i rin’, ni tabab u tabolngin ni ga’ar,

⁵“Gu be meybil u lan e binaw nu Joppa, mi ni piliyeg e changar rog. Mu gguy ban’en ni be yib u lang i yib nga but’ ni bod ya’an bangi mad ni ba ga’ yang ni kan nguchuruy u tharmiy nga but’ u aningeg i tabthungen, me yib i tal nga to’obeg.

⁶Mu gu changar ngalan mu gguy e gamanman nib mongmor ni aningeg raba’ i ay, nge gamanman ni malboch, nge gamanman nma sirgig u but’ i yan, nge arche’ ni malboch.