Lifitikos 7:9-19

⁹Iteiten asoren mongö mi um pwal meinisin mine a kuk lon nape ika furain lon furaipan epwe fän iten ewe souasor mi föri ewe angangen asor.

¹⁰Nge ekewe asoren mongö resap mwot, ese lifilifil ika mi nofit ngeni apüra ika resap nofit, repwe fän iten nöün Aaron kewe mwän meinisin, epwe inetöchfengen lefiler.

¹¹Iwe, iei allükün ekewe asoren kinamwe aramas ra eäni ngeni ewe Samol mi Lapalap:

¹²Are eman a eäni ewe asoren kinamwe pwe asoren kilisou, epwe uwato an mönün asor o achu ngeni pilawa esap wor iis lon mi nofit ngeni apüra, pwal sokun pilawa usun nokop esap wor iis lon mi toto ngeni apüra, pwal pilawa mi mürina o nofitöch ngeni apüra.

¹³Nge lupwen a eäni an asoren kinamwe fän iten kilisou, epwe pwal uwato pilawa mi wor iis lon.

¹⁴Iwe, epwe angei eföü pilawa seni iteiten ewe sokun asoren mongö o eäni asor ngeni ewe Samol mi Lapalap. Iei än ewe souasor mi uti chan ewe mönün asoren kinamwe ngeni ewe rongen asor.

¹⁵Nge ewe aramas epwe ocheela fituken an mönün asoren kinamwe fän iten kilisou lon ewe chök ränin a asor. Esap tongeni likiti och tori lesosor.

¹⁶Iwe, are ewe aramas a eäni an asor fän iten pwon ika seni püsin letipan, epwe ochei fituken ewe mönün asor lon ewe rän a asor, nge lusun a pwal tongeni ochei sorotan.

¹⁷Nge lusun fituken ewe mönün asor mi chüen nom tori aülüngatin rän epwe kek.

¹⁸Iwe, are eman a ochei fituken ewe mönün asoren kinamwe lon aülüngatin rän, ewe asor esap tiw me ren Kot, esap pwal wor lomotan ngeni ätewe mi eäni, pun a limengau. Nge ätewe mi ochei ewe fituk epwe mwärei an tipis.

¹⁹Esap wor eman epwe ochoch fituk mi torii och mettoch mi limengau, epwe chök kek. Chokewe meinisin mi limöch ra tongeni ochei fituken ewe mönün asoren kinamwe.