Lifitikos 25:1-7

¹Iwe, ewe Samol mi Lapalap a kapas ngeni Moses me won ewe chuk Sinai o üreni,

²pwe epwe ngeni ekewe aramasen Israel ekei allük: Lupwen oupwe tolong lon ewe fanü ewe Samol mi Lapalap epwe ngenikemi, epwe fis eu ierin sapat ngeni ewe Samol mi Lapalap won ewe fanü.

³Lon ükükün wonu ier oupwe fotuki fanüemi. Oupwe pwal pökütolei ämi tanipin wain o kini uan lon ükükün wonu ier.

⁴Nge lon ewe afisuen ier epwe fis eu ierin asösö won ewe fanü, eu ierin sapat ngeni ewe Samol mi Lapalap. Ousap fotuki fanüemi ika pökütolei ämi tanipin wain.

⁵Ousap kini mine a püsin pwükütä, ousap pwal ionifengeni uän ekewe irän wain resap pökütol. Iwe, epwe fis eu ierin asösö won ewe fanü.

⁶Iwe, ewe fanü a fis ewe ierin sapat won epwe awora enemi mongö fän itemi me fän iten nöümi amanau mwän me fefin, fän iten nöümi chon angang mi mö pwal fän iten ekewe chon ekis mi nom remi.

⁷Epwe awora enen nöümi pwiin manfesir pwal enen ekewe manmwacho mi nom lon fanüemi, pun meinisin mine a püsin ua epwe fän iten mongö.