5püsin ngang üpwe ü ngeni ewe aramas me an famili o ärirewu me lein aramaser. Iwe, üpwe ärawu ätewe me chokewe meinisin mi eti le fel ngeni Molok.
6Iwe, are eman aramas a feila ren watawa me sourong pwe epwe angei an öüröür seniir, ngang üpwe ü ngeni ewe aramas o ärawu me lein aramasan.
7Iei mine oupwe püsin apinikemi pwe oupwe pin, pun ngang ewe Samol mi Lapalap ämi we Kot.
8Oupwe aleasochisi ai kewe allük o apwönüretä. Ngang ewe Samol mi Lapalap üa apinikemi.