Lewi Sɛrɛxɛdubɛ 27:3-11 in Susu

³ Xa xɛmɛ na a ra naxan xa simaya kelima ɲɛ mɔxɔɲɛn han ɲɛ tongo senni, a xun sarama gbeti kole tongo suuli nan na naxan maniyama yire sɛniyɛnxi maniyase ra.

⁴ Xa ginɛ na a ra, a xun sarama gbeti kole tongo saxan nun a tagi nan na.

⁵ Xa di xɛmɛ na a ra naxan xa simaya kelima ɲɛ suuli han ɲɛ mɔxɔɲɛn, a xun sarama gbeti kilo mɔxɔɲɛn nan na. Xa ginɛ dimɛdi na a ra, a xun sarama gbeti kole fu nan na.

⁶ Xa di xɛmɛ na a ra naxan mu ɲɛ suuli sɔtɔxi sinden, a xun sarama gbeti kole suuli nan na. Xa di ginɛ na a ra, a xun sarama gbeti kole saxan nan na.

⁷ Xa xɛmɔxi na a ra naxan xa simaya dangima ɲɛ tongo senni ra, a xun sarama gbeti kole fu nun suuli nan na. Xa ɲɛlɛxɛfori na a ra, a xun sarama gbeti kole fu nan na.

⁸ Xa setare bara na laayidi tongo, naxan mu nɔma na xunsare xasabi fide, a lan a xa a yɛtɛ masen sɛrɛxɛdubɛ bɛ naxan fama xunsare xasabi falade a bɛ a nɔma naxan na.»

⁹ «Xa mixi nde laayidi tongo xuruse nde fife ra, naxan nɔma bade sɛrɛxɛ ra n tan Alatala bɛ, na xuruse xa fi n tan Alatala ma. A bara sɛniyɛn.

¹⁰ Xuruse gbɛtɛ mu fima a masare ra, a fan ba, a mu fan ba. Xa wo na rabama, e firinyi bara findi se sɛniyɛnxi ra.

¹¹ Xa sube raharamuxi na a ra, naxan mu bama sɛrɛxɛ ra n tan Alatala bɛ, a xa xanin sɛrɛxɛdubɛ xɔn.

³ شَ شّمّ نَ عَ رَ نَشَن شَ سِمَيَ كٍلِمَ حّ مْشْحّن هَن حّ تٌنفٌ سٍننِ، عَ شُن سَرَ مَ فبٍتِ كٌلٍ تٌنفٌ سُولِ نَن نَ نَشَن مَنِيَمَ يِرٍ سّنِيّنشِ مَنِيَسٍ رَ.

⁴ شَ فِنّ نَ عَ رَ، عَ شُن سَرَ مَ فبٍتِ كٌلٍ تٌنفٌ سَشَن نُن عَ تَفِ نَن نَ.

⁵ شَ دِ شّمّ نَ عَ رَ نَشَن شَ سِمَيَ كٍلِمَ حّ سُولِ هَن حّ مْشْحّن، عَ شُن سَرَ مَ فبٍتِ كِلٌ مْشْحّن نَن نَ. شَ فِنّ دِ مّدِ نَ عَ رَ، عَ شُن سَرَ مَ فبٍتِ كٌلٍ قُ نَن نَ.

⁶ شَ دِ شّمّ نَ عَ رَ نَشَن مُ حّ سُولِ سْتْشِ سِندٍن، عَ شُن سَرَ مَ فبٍتِ كٌلٍ سُولِ نَن نَ. شَ دِ فِنّ نَ عَ رَ، عَ شُن سَرَ مَ فبٍتِ كٌلٍ سَشَن نَن نَ.

⁷ شَ شّمْشِ نَ عَ رَ نَشَن شَ سِمَيَ دَنفِمَ حّ تٌنفٌ سٍننِ رَ، عَ شُن سَرَ مَ فبٍتِ كٌلٍ قُ نُن سُولِ نَن نَ. شَ حّلّشّقٌرِ نَ عَ رَ، عَ شُن سَرَ مَ فبٍتِ كٌلٍ قُ نَن نَ.

⁸ شَ سٍتَرٍ بَرَ نَ لَايِدِ تٌنفٌ، نَشَن مُ نْمَ نَ شُنسَرٍ شَسَبِ قِدٍ، عَ لَن عَ شَ عَ يّتّ مَسٍن سّرّشّدُبّ بّ نَشَن قَمَ شُنسَرٍ شَسَبِ قَلَدٍ عَ بّ عَ نْمَ نَشَن نَ.»

⁹ «شَ مِشِ ندٍ لَايِدِ تٌنفٌ شُرُ سٍ ندٍ قِقٍ رَ، نَشَن نْمَ بَدٍ سّرّشّ رَ ﭑ تَن عَلَتَلَ بّ، نَ شُرُ سٍ شَ قِ ﭑ تَن عَلَتَلَ مَ. عَ بَرَ سّنِيّن.

¹⁰ شُرُ سٍ فبّتّ مُ قِمَ عَ مَسَرٍ رَ، عَ قَن بَ، عَ مُ قَن بَ. شَ وٌ نَ رَبَمَ، عٍ قِرِنيِ بَرَ قِندِ سٍ سّنِيّنشِ رَ.

¹¹ شَ سُبٍ رَهَرَ مُشِ نَ عَ رَ، نَشَن مُ بَمَ سّرّشّ رَ ﭑ تَن عَلَتَلَ بّ، عَ شَ شَنِن سّرّشّدُبّ شْن.