Lewi Sɛrɛxɛdubɛ 15:2-15 in Susu

² «Wo xa a fala Isirayilakae bɛ, kɔrɔsila kanyi bara findi mixi sɛniyɛntare ra.

³ Kɔrɔsila kanyi bara findi mixi sɛniyɛntare ra hali kɔrɔsila mu na minife sinden, kɔnɔ a na a fate kui.

⁴ Kɔrɔsila kanyi sama sade naxan ma, se sɛniyɛntare na a ra. A dɔxɔ gonyi naxan yo ma, na fan se sɛniyɛntare na a ra.

⁵ Naxan na din a xa sade ra, na kanyi xa a xa dugie xa, a xa a yɛtɛ maxa ye ra. A findima mixi sɛniyɛntare nan na han nunmare ra.

⁶ Naxan dɔxɔma a xa gonyi ma, na kanyi xa a xa dugie xa, a xa a yɛtɛ maxa ye ra. A findima mixi sɛniyɛntare nan na han nunmare ra.

⁷ Naxan yo din na furema fate ra, na kanyi xa a xa dugie xa, a xa a yɛtɛ maxa ye ra. A findima mixi sɛniyɛntare nan na han nunmare ra.

⁸ Xa furema dɛ ye bɔxun mixi sɛniyɛnxi nde ma, na kanyi xa a xa dugie xa, a xa a yɛtɛ maxa. A findima mixi sɛniyɛntare nan na han nunmare ra.

⁹ Dɔxɔse naxan sama soe ma, xa na mu a ra ɲɔxɔmɛ ma, xa furema dɔxɔ na fari, na dɔxɔse findima se sɛniyɛntare nan na.

¹⁰ Naxan na din sese ra furema bara dɔxɔ naxan fari, na kanyi bara findi mixi sɛniyɛntare ra han nunmare ra. Na kanyi xa a xa dugie xa, a xa a yɛtɛ maxa.

¹¹ Furema bɛlɛxɛ sɛniyɛntare kanyi dinma mixi naxan na, na xa a xa dugie xa, a xa a yɛtɛ maxa ye ra. A findima mixi sɛniyɛntare nan na han nunmare ra.

¹² Furema dinma fɛɲɛ naxan na, na xa kana. Xa yirabase wuri daaxi na a ra, a lan a xa maxa ye ra.»

¹³ «Kɔrɔsila kanyi na yalan, a mamɛ tima nɛ lɔxun keren beenu a xa findi mixi sɛniyɛnxi ra. A xa a xa dugie xa, a xa a maxa dulonyi ye ra. A sɛniyɛnma na ki nɛ.

¹⁴ Xi solomasaxan nde lɔxɔɛ, a xa ganbɛ firin tongo, xa na mu a ra kolokonde yɔrɛ firin, a sa e so sɛrɛxɛdubɛ yi ra n tan Alatala ya i hɔrɔmɔlingira sode dɛ ra.

¹⁵ Sɛrɛxɛdubɛ xa xɔni keren ba yunubi xafari sɛrɛxɛ ra, boore sɛrɛxɛ gan daaxi. Na kui, kɔrɔsila kanyi bara a xun sara n tan Alatala ya i.»

² «وٌ شَ عَ قَلَ عِسِرَيِلَكَيٍ بّ، كْرْ سِلَ كَنيِ بَرَ قِندِ مِشِ سّنِيّنتَرٍ رَ.

³ كْرْ سِلَ كَنيِ بَرَ قِندِ مِشِ سّنِيّنتَرٍ رَ هَلِ كْرْ سِلَ مُ نَ مِنِقٍ سِندٍن، كْنْ عَ نَ عَ قَتٍ كُي.

⁴ كْرْ سِلَ كَنيِ سَمَ سَدٍ نَشَن مَ، سٍ سّنِيّنتَرٍ نَ عَ رَ. عَ دْشْ فٌنيِ نَشَن يٌ مَ، نَ قَن سٍ سّنِيّنتَرٍ نَ عَ رَ.

⁵ نَشَن نَ دِن عَ شَ سَدٍ رَ، نَ كَنيِ شَ عَ شَ دُفِيٍ شَ، عَ شَ عَ يّتّ مَشَ يٍ رَ. عَ قِندِ مَ مِشِ سّنِيّنتَرٍ نَن نَ هَن نُنمَرٍ رَ.

⁶ نَشَن دْشْمَ عَ شَ فٌنيِ مَ، نَ كَنيِ شَ عَ شَ دُفِيٍ شَ، عَ شَ عَ يّتّ مَشَ يٍ رَ. عَ قِندِ مَ مِشِ سّنِيّنتَرٍ نَن نَ هَن نُنمَرٍ رَ.

⁷ نَشَن يٌ دِن نَ قُرٍ مَ قَتٍ رَ، نَ كَنيِ شَ عَ شَ دُفِيٍ شَ، عَ شَ عَ يّتّ مَشَ يٍ رَ. عَ قِندِ مَ مِشِ سّنِيّنتَرٍ نَن نَ هَن نُنمَرٍ رَ.

⁸ شَ قُرٍ مَ دّ يٍ بْشُن مِشِ سّنِيّنشِ ندٍ مَ، نَ كَنيِ شَ عَ شَ دُفِيٍ شَ، عَ شَ عَ يّتّ مَشَ. عَ قِندِ مَ مِشِ سّنِيّنتَرٍ نَن نَ هَن نُنمَرٍ رَ.

⁹ دْشْسٍ نَشَن سَمَ سٌي مَ، شَ نَ مُ عَ رَ حْشْمّ مَ، شَ قُرٍ مَ دْشْ نَ قَرِ، نَ دْشْسٍ قِندِ مَ سٍ سّنِيّنتَرٍ نَن نَ.

¹⁰ نَشَن نَ دِن سٍسٍ رَ قُرٍ مَ بَرَ دْشْ نَشَن قَرِ، نَ كَنيِ بَرَ قِندِ مِشِ سّنِيّنتَرٍ رَ هَن نُنمَرٍ رَ. نَ كَنيِ شَ عَ شَ دُفِيٍ شَ، عَ شَ عَ يّتّ مَشَ.

¹¹ قُرٍ مَ بّلّشّ سّنِيّنتَرٍ كَنيِ دِنمَ مِشِ نَشَن نَ، نَ شَ عَ شَ دُفِيٍ شَ، عَ شَ عَ يّتّ مَشَ يٍ رَ. عَ قِندِ مَ مِشِ سّنِيّنتَرٍ نَن نَ هَن نُنمَرٍ رَ.

¹² قُرٍ مَ دِنمَ قّحّ نَشَن نَ، نَ شَ كَنَ. شَ يِرَبَسٍ وُرِ دَاشِ نَ عَ رَ، عَ لَن عَ شَ مَشَ يٍ رَ.»

¹³ «كْرْ سِلَ كَنيِ نَ يَلَن، عَ مَمّ تِمَ نّ لْشُن كٍرٍن بٍينُ عَ شَ قِندِ مِشِ سّنِيّنشِ رَ. عَ شَ عَ شَ دُفِيٍ شَ، عَ شَ عَ مَشَ دُلٌنيِ يٍ رَ. عَ سّنِيّنمَ نَ كِ نّ.

¹⁴ شِ سٌلٌمَسَشَن ندٍ لْشْي، عَ شَ فَنبّ قِرِن تٌنفٌ، شَ نَ مُ عَ رَ كٌلٌكٌندٍ يْرّ قِرِن، عَ سَ عٍ سٌ سّرّشّدُبّ يِ رَ ﭑ تَن عَلَتَلَ يَ عِ هْرْ مْلِنفِرَ سٌدٍ دّ رَ.

¹⁵ سّرّشّدُبّ شَ شْنِ كٍرٍن بَ يُنُبِ شَقَرِ سّرّشّ رَ، بٌورٍ سّرّشّ فَن دَاشِ. نَ كُي، كْرْ سِلَ كَنيِ بَرَ عَ شُن سَرَ ﭑ تَن عَلَتَلَ يَ عِ.»