Lewi Sɛrɛxɛdubɛ 13:3-10 in Susu

³ Fure naxan na a fate, sɛrɛxɛdubɛ xa na mato. Xa fate xabe bara fiixɛ na fi yire, fi fan bara tilin, a sube li, fure ɲaaxi na a ra. Sɛrɛxɛdubɛ xa masenyi ti, na kanyi bara findi sɛniyɛntare ra.

⁴ Xa fure ya mu itilin a na kiri nan gbansan fari, fate xabe mu fiixɛxi na longori, sɛrɛxɛdubɛ xa furema yamari a xa lu a kerenyi ma lɔxɔxun keren.

⁵ A xi solofere nde lɔxɔɛ, sɛrɛxɛdubɛ man xa a mato. Xa a sa li fure mu na lantanfe, a man xa furema yamari a xa lu a kerenyi ma lɔxɔxun keren.

⁶ A xi solofere nde lɔxɔɛ, sɛrɛxɛdubɛ man xa a mato a sanmaya firin nde. Xa fure ɲingi bara masara, a man mu lantanfe, sɛrɛxɛdubɛ xa masenyi ti, na kanyi bara sɛniyɛn. Fure na a ra naxan mu ɲaaxu. A xa a xa dugie xa, a findi mixi sɛniyɛnxi ra.

⁷ Kɔnɔ xa sɛrɛxɛdubɛ bara a mato, fure bara lantan yɛ na masenyi dangi xanbi, furema man xa gbilen sɛrɛxɛdubɛ yire tɛmui gbɛtɛ.

⁸ Sɛrɛxɛdubɛ man xa a mato. Xa fure bara lantan yɛ, sɛrɛxɛdubɛ xa masenyi ti, na kanyi bara findi sɛniyɛntare ra, fure ɲaaxi na a ra.»

⁹ «Xa fure ɲaaxi bara lu mixi nde kiri ma, e xa a xanin sɛrɛxɛdubɛ yire.

¹⁰ A xa a mato. Xa na mixi kiri bara fiixɛ yire nde, a fa funtu, fate xabe fan fa fiixɛ na longori, a bula, sube mini kɛnɛ ma,

³ قُرٍ نَشَن نَ عَ قَتٍ، سّرّشّدُبّ شَ نَ مَتٌ. شَ قَتٍ شَبٍ بَرَ قِيشّ نَ قِ يِرٍ، قِ قَن بَرَ تِلِن، عَ سُبٍ لِ، قُرٍ حَاشِ نَ عَ رَ. سّرّشّدُبّ شَ مَسٍنيِ تِ، نَ كَنيِ بَرَ قِندِ سّنِيّنتَرٍ رَ.

⁴ شَ قُرٍ يَ مُ عِتِلِن عَ نَ كِرِ نَن فبَنسَن قَرِ، قَتٍ شَبٍ مُ قِيشّشِ نَ لٌنفٌرِ، سّرّشّدُبّ شَ قُرٍ مَ يَمَرِ عَ شَ لُ عَ كٍرٍنيِ مَ لْشْشُن كٍرٍن.

⁵ عَ شِ سٌلٌقٍرٍ ندٍ لْشْي، سّرّشّدُبّ مَن شَ عَ مَتٌ. شَ عَ سَ لِ قُرٍ مُ نَ لَنتَنقٍ، عَ مَن شَ قُرٍ مَ يَمَرِ عَ شَ لُ عَ كٍرٍنيِ مَ لْشْشُن كٍرٍن.

⁶ عَ شِ سٌلٌقٍرٍ ندٍ لْشْي، سّرّشّدُبّ مَن شَ عَ مَتٌ عَ سَنمَيَ قِرِن ندٍ. شَ قُرٍ حِنفِ بَرَ مَسَرَ، عَ مَن مُ لَنتَنقٍ، سّرّشّدُبّ شَ مَسٍنيِ تِ، نَ كَنيِ بَرَ سّنِيّن. قُرٍ نَ عَ رَ نَشَن مُ حَاشُ. عَ شَ عَ شَ دُفِيٍ شَ، عَ قِندِ مِشِ سّنِيّنشِ رَ.

⁷ كْنْ شَ سّرّشّدُبّ بَرَ عَ مَتٌ، قُرٍ بَرَ لَنتَن يّ نَ مَسٍنيِ دَنفِ شَنبِ، قُرٍ مَ مَن شَ فبِلٍن سّرّشّدُبّ يِرٍ تّمُي فبّتّ.

⁸ سّرّشّدُبّ مَن شَ عَ مَتٌ. شَ قُرٍ بَرَ لَنتَن يّ، سّرّشّدُبّ شَ مَسٍنيِ تِ، نَ كَنيِ بَرَ قِندِ سّنِيّنتَرٍ رَ، قُرٍ حَاشِ نَ عَ رَ.»

⁹ «شَ قُرٍ حَاشِ بَرَ لُ مِشِ ندٍ كِرِ مَ، عٍ شَ عَ شَنِن سّرّشّدُبّ يِرٍ.

¹⁰ عَ شَ عَ مَتٌ. شَ نَ مِشِ كِرِ بَرَ قِيشّ يِرٍ ندٍ، عَ قَ قُنتُ، قَتٍ شَبٍ قَن قَ قِيشّ نَ لٌنفٌرِ، عَ بُلَ، سُبٍ مِنِ كّنّ مَ،