LEVITIKO 11:41-45

⁴¹Tano ai e raumu ḡaudia na ba dadaraidia, basio ani.

⁴²Kopana amo e raumu ḡauna, bona imana rua aena rua amo e raumu ḡauna, bona aena momo ḡauna: tano ai e raumu ḡaudia iboudiai na basio ani; idia na didika.

⁴³Tano ai e raumu ḡaudia edia dika ai basio dika bona edia miro ai basio miro, ba taubu na garina.

⁴⁴Badina be lau na Iehova, emui Dirava: taunabunai sibomui ba hahelaḡa. Ba helaḡa, badina be lau na helaḡa. Tano ai e raumu ḡauna ta ena miro ai basio miro.

⁴⁵Badina be lau na Iehova: Aigupto tanona amo na hakaumui lasi, emui Dirava ai bainala totona. Taunabunai ba helaḡa, badina be lau na helaḡa.