Levi 7:24-34

²⁴Naha ni kani a vina sipsip, a bulmakau i mate tavula, a vina sipsip, a bulmakau i rabalaki a kanirau hateka. Mu bole a vina mu rata a maki ranga vona. Pali naha ni kani.

²⁵A bakovi i kani a vina kanirau, ra i kara ni gi habi ne BAKOVI DAGI manga a nihabi ni gutu na kanono, ni gi tono tala na kabu vona.

²⁶E LeviI uka ma ngi kunana. Naha ni kani a darana maki tara. I vai a tanga mu made vona, naha ni kani a darana kadirovo, a darana kanirau.

²⁷A bakovi a ngatavine i longotaroa a vinara iea, ni gi tono tala na kabu vona.” A Kalavana Kinani ne Vona e Huriki a Prister

²⁸E BAKOVI DAGI i takia e Moses i ta maea,

²⁹“O vakalongo e huriki a Israel o ta maea: A viri i ngaru ni habi a kanirau ge a nihabi na nivalemu, ge ru hereherea tara balena ge vona e BAKOVI DAGI.

³⁰Ra bakovi iea ge bole valai a vina turana siana, ge a nihabi ni gutu na kanono. A prister ge bolea a siana ge tabari e BAKOVI DAGI vona.

³¹A prister ge gutu a vina sipsip, a bulmakau na dede, pali a siana sipsip, a bulmakau ge ne vona e Aron, e huriki e tuna.

³²A pona na kanena ri gi habia na prister, ge manga a sika vona na nihabi na nivalemu ne mua.

³³E rei e tune Aron i rata a nihabi na nivalemu na darana, na vina kanirau, ge bole a pona na kanena kanirau iea.

³⁴Iau e BAKOVI DAGI a bole tala na nihabi na nivalemu ne huriki a Israel a siana, ra ni tabari iau vona, a pona sipsip, a bulmakau, a habi ne Aron a prister, turane huriki e tuna bakovi. E huriki a prister kunana ri gi bole vakaroro ne huriki a Israel a maka kalavana nihabi nga.