Levi 26:38-43

³⁸Muri bara mu mate na robo ne huriki a pile, a malala ne ria bara i todo mua.

³⁹E huriki ranga ne mua ri tababana na robo ne huriki a pile, bara i takutaku i bole a vuranga i lobo tavula, a vuhuna e huriki a gare ne mua ri rata a maka naro hale.

⁴⁰“Pali muri e huriki ne mua bara ri taki tala a naro hale ne ria, ne huriki a gare ne ria, a vuhuna ra ri tagege ri longotaro a ngavagu.

⁴¹Mu tagege, lakea iau a vakamadihi mua, a rudu lakea mua na robo ne huriki a pile. Pali na tahuna e huriki a hamone mua ri hatakia pali a nimadihi na naro hale, ri pulo a vilone ria ri duku.

⁴²Muri bara luhoi mulea a ngava dagi a ratea turana e Iakop, e Isak, e Abraham, ga luhoi mulea a malala e Kenan.

⁴³Pali muga mu pe purua a malala ge malo na pida ge kupo, ge bole a murina a maka pida i uka ma mu ru a malona a malala ge malo. Mu bole a nimadihi na naro hale mu rata, na hini mu ngalahere na maka vinara mu longotaro a ngavagu.