Leveleseni 1

1

2

3

4

5

6

7

8

9

10

11

12

13

14

15

16

17

18

19

20

21

22

¹Nagaya Yoninae Yisasi Kalaisia naveligena agetena mani kea kaena tamahapaigahe nehue. Nayona mani kemoa fala-kino haneanagino Anumaya Kotia ani kanamoa aupaa falote hisia yana Yisasi Kalaisina agaia aliya veane amave-lisiafene huno Yonina ave-ligeno kae-malene. Yisasia ensole kanoa hutegeno nagaya agai aliyama nealua kanoa, Yoninile, eaamo mani yayaga me naveli-maine.

²Me naveligena age-mainoa yafeene Anumaya Koti kene Yisasi Kalaisi humainea kene alina tamage huna tamahanepauve.

³Ma avopima kae-maloa kea ago aupaa falote hisia yafe aune laga huno humainea kema hapaliya havisaya veanene haviteya akavema malesaya veanene tusia muse hugahae.

⁴Nagaya Yoninae Esia kotega sevenia (7) mono noma hanea veamogatamale mani avona kaena nelamamue. Anumaya Kotia nayona maineanagino menienena maineanagino haenagaa maisia kanogino agaia kava yagai-mainea siamo aulega sevenia (7) Avamumoya hetiya mainayanagiya kayone hisaya yaamiene tamaipa falu hisia yaamiene tamamisae.

⁵Tamamisageno Yisasi Kalaisia fatago huno Anumaya Koti kema hamapai-mainea kanomoa fali-mainaya veapitila uhagote-lateno heti-maineanagino mukia veanema fali-mainesafiti hetisaya katia valilatene. Mukia mopafima mainaya sauve vayamogamina sauveamimoa agaiage maineanagino kayone hisia yamaaene tamaipamo falu hisia yamaaene tamamisie. Tagaifena hau ayamopafi haigeno agaia kolamaa ailaki-talenea yateti mukia kefo yatimoa aigagilateneanagino agola ali kalu hetalene.

⁶He-taleneanagino Anumaya Kotia kava yagailatesia yapi tavaleno tategeta mainonanagita tagayama Nelafa Anumaya Koti aliyama nealita agima alisaga huta musema hutesunafene huno hulatene. Hulateneanagita mukia kanafina agai agia alisaga hisunageno tokiyaage hale yamaamoa agola hanege hanege huno hanesie. Tamage.

⁷Ageho Yisasia siate maiteno egahigi mukia amakavenoma huteteya augafafima kevema aye-mainaya veanene mukia ma mopafima mainaya veamoyaene ageteya tusiya huya hamau huteya avi tegahae. E, ani yana tamage huno falote hugahie. Tamage.

⁸Ala Anumaya Kotia mage huno humaine “Nagaya nagainia mukia tokiyamona aepaa mainoanagina mukia yatela kava yagai-mainoafe alivayayesua kanoa tamage huna mainoe. Nayo kanafina mainoanagina menia mainoanagina haenagaa maigahue. Tusia tokiyania hanea kava kano mainoe.” huno hu-maineane.

⁹Nagaya Yoninae neputamimona tamakaienena Yisasiene ailokaeta mainona yafe tusia kana yaene tagata aiya yaene falote hianagi Anumaya Kotia kava yagailategeta mailava huta tokiyaage huta mainone. Nagaya Anumaya Koti kene Yisasia tagaima hulatenea mono kene huhalena hua yateti navaleya Patimosia ti amunopi hanea kumate kina hunatagena mainoe.

¹⁰Mainogi nago Sotayupa Alu Aotage Avamumoa tokiyaage huno natafa higena nehavugeno nakavelagati nagola ala kegefamoa ufema nehaya avamete huno agea aigena havimainoe.

¹¹Ani kemoa mage huno humaine “Mukia yama agesana yana avopi kaeteka atalegeno sevenia (7) kumate hanea mono note veatega vino. Efesusiene Simenaene Pegamumuene Taiyatailaene Satisiene Filatelefiene Leotisiaene vino.” huno humaine.

¹²Higena kema nahapaiya kanoma agesuafene huna maiyahae huna agoana sevenia (7) lamua kanileta yafateti talo humale lamua hanegena age-mainoe.

¹³Agoa lamuyagamo amunopina nago kanoa, ikapinagati emainea kanoa vayamo atenea nafanemo augafa kana kanoa hetino mainegeno ayaaya kenamoa aiyalega vai-talegeno tavigeno kanileta yafateti talo humale amunofila aigagino haifiyafale hu-malenegena agoe.

¹⁴Agogeno ayolagefamoa efeage huno sipi sipimo ayolagefaleti talo humale nofi kana huteno efeage sia kana nehigeno aulagamoa ata nefemoma hia avamete humaine.

¹⁵Higeno aiyamoa nagola atafima kae-malageno teno tokiyaage huno hale yamaaene kanileta yafa kana nehigeno agema aiya agemoa paugegefa nehigeno ala timo agemoma neaiya avamete kava huno aimaine.

¹⁶Ayapina sevenia (7) kanefi atafa hu-linegeno avayafitila tole kaiyaga avenene naepe kayona anikofi-linegeno augosamoa yagemoma hia kava huno aigalu galu huno aivasa humaine.

¹⁷Aigalu galu higena neagena fali-mainea vaya kana huna aiyafi nagoya aye-mainogeno tamaga ayana naugafale maleno mage huno hie “Kolia ohuo nagaya mukia tokiyamona aepaa mainoanagina nagaya uhagotena maitena haenagalafana maitena huna mainoa kano mainoe.

¹⁸Nagaya nahaimuene kano mainoe. Nayona ago fali-mainoanagi ago hetina haegafa huna agola mukia kanafina maige maige huna mainoanagina veama nefalia yaene fali-mainaya veamoya mainaya kumate ki nofitela ali-linena ani yapitima amavalena amatalesua himamunia hane.

¹⁹Haneafe kagaya menima falote higeka agana yaene haenagama falote hisia yaenena avopi kae-malo.

²⁰Sevenia (7) kanefiene sevenia (7) kanileta yafateti talo humalenaya lamuenena tamaga nayapima hanegeka agana yamoa falaki-mainea yamo aepaa kahapaigahue. Sevenia (7) kanefimoa maa humaine sevenia (7) kumatema Yisasife haviya melitalu nehaya veate kava vayafe humaine. Sevenia (7) lamumoa ani sevenia (7) mono noyagafi Yisasife haviya melitalu nehaya veafe humaine.”