Lepin Padahk Audapan Kan 3:3-19

³Ke dehr kadohwanowei mehlel oh loalopwoat. Pirehiong ni tepinweromw, oh ntingihediong nan omw mohngiong.

⁴Ma ke pahn wia met, Koht oh aramas akan pahn kupwurperenkin uhk.

⁵Likih KAUN-O ni mohngiongomw unsek. Dehr koapworopworki mehkan me ke pein lemeleme me ke ese.

⁶Tamanda KAUN-O ni omw wiewia kan koaros, oh e pahn ketin kasalehiong uhk ahl me pwung.

⁷Dehr mweidohng pein kowe en medemedewe me ke loalokongsang me ke uhdahn ese; ihte, peikiong KAUN-O oh mweisang wiewia sapwung.

⁸Ma ke pahn idawehn padahk pwukat, re pahn rasehng wini mwahu me kin kamwahwihala omw ohla kan oh katikitikihala omw weirek kan.

⁹Wauneki KAUN-O ni omw pahn meirongkihong wahnsahpw me keieu mwahu.

¹⁰Ma ke pahn wia met, omw imwen nahk kan pahn direkihla wahnsahpw akan, oh omw wain pahn laud mehlel, ke sohla pahn kak nekidala koaros.

¹¹Samwa, ni ahnsou me KAUN-O pahn kapwunguhkala, rong kanahieng, oh alehda nin duwen kehkehlik ehu.

¹²KAUN-O kin ketin kapwungala irail kan me e kin ketin loalloale, duwehte sahm emen eh kin kapwungala nah pwutak me e kin suweiki.

¹³Meid kaperen ong aramas me kin loalokongla—oh dehdehkihla.

¹⁴Met me mwahusang silper, pwe me katep laud ong uhk sang kohl.

¹⁵Kupwurokong kesempwal sang mehlel takai kesempwal kan; sohte mehkot me ke pahn mwahuki me kak pahrekiong kesempwal en kupwurokong.

¹⁶Kupwurokong kin kihong uhk ke en mour werei, oh kepwehpwe, oh wahun.

¹⁷Kupwurokong kak kaparanda omw mour, oh kahluwaiuk pwe ke en dehr perki mehkot.

¹⁸Irail kan me loalokonglahr kin pereperen; kupwurokong pahn kihong irail mour.

¹⁹KAUN-O ketin kapikekihda sampah sapwellime kupwurokong; sapwellime erpit me e ketin koasoanehkihdiong pahnlahng nan dewe.