Legic 59:4-14

⁴Hakana ɋariŋɋariŋgia qahac, néŋ ieneŋ kucnec hama eŋaoc ʒéréŋ qéréŋ wandacʒu. Gi kic ɋeli kecma méra némmaŋ ʒé nuac awima tacbésémaŋ.

⁵Téŋgiŋ ic miŋina Yawe Anutu, Israelac Anutu, yacma baera baera bakia meleŋ énécmina. Andé qeqe ic biria ionac ewa biric ménda waŋ énécmina. (Ohec)

⁶Ieneŋ ama siŋiyu liliŋgéma hama kazu eneŋ ésécnec qacma ama areŋa yanda séc lelecgéanʒu.

⁷Kua taséginaiguc sou ʒéraguc heyu Kuaginaiguc ac ʒéraguc géréréc mericma mérénéŋ gezac qema acnina hia nimmac imuhuc ʒéanʒu.

⁸Yawe geŋ ʒédesi énécmina, baera baera ʒédesi énécmina.

⁹Anutu, nuac neuŋ kiropona selia, nuac kuc miŋina, guac kic hihi wamma kecmaŋ.

¹⁰Nuac Anutunéŋ goi héihéiyaguc tétécgé némmac. Waŋu haʒéchécna bakia megic nézéyu kicnanéŋ inicmaŋ.

¹¹Gi imi ménda unuhumuna ic embachécna ieneŋ eluŋ unuwac niŋac. Saiwanina Miŋ Kewu, kucganéŋ héndéŋ énécmima memaénécmina.

¹²Ezelaŋginawac ac imi kuaginawac képésic wanʒac. Saec ac ʒéma ikoc ac ʒéanʒu imuac niŋac waina séwi eŋeŋ wamma kecgicnec énéc énépésia wammac.

¹³Qeri gericganéŋ onona, qahac wammuac séhaiguc onona. Hémma Anutunéŋ Yakoboac ɋelihéra sucginaiguc inicgaleŋ kecʒac imi niŋasarimu. (Ohec)

¹⁴Waŋu ieneŋ ama siŋiyu liliŋgéma hama kazu ésécnec qacma lelecgéanʒu.