Kölfel 59:4-14

⁴Üsap föri och mi mwäl, nge ra chök amoleretä pwe repwe fiu ngeniei. Kopwe ütä o alisiei, kopwe nenengeni ai osukosuk.

⁵En Samol mi Unusen Manaman, en Koten Israel, kopwe pwätä pwe kopwe apwüngü chon ekewe mwü meinisin. Kosap eäni ümöümöch ngeni chokewe mi rawangauei aramas.

⁶Iteiten lekuniol ra liwinito, ra wörüwör usun ekewe kolak, lupwen ra aniffetal lon ewe telinimw.

⁷Kapasen turunufas me kapasen eniweniw ra towu seni awer, chönawer ra usun chök ketilas, nge ra ekieki pwe esap wor eman a rongorong ar kapas.

⁸Nge en, ai Samol mi Lapalap, ka takiriir, ka ämängaua chon ekewe mwü meinisin.

⁹En ai pöchökül, üa osukusukuk, pun en ai Kot imwei imwen maun.

¹⁰Ai Kot epwe feito rei fän an tong ellet, ai Kot epwe föri pwe üpwe nenengeni än chon oputaei kuf.

¹¹Kosap nirela, pwe nei aramas resap manlükala mine ka föri ngeniir. Kopwe atoropaseer ren om manaman o akufuur. Ai Samol, en ka epeti senikem feiengau.

¹²Pokiten kapasen awer ra chök tipis, repwe tup lon ar lamalamtekia. Pokiten ar ottek me chofana,

¹³kopwe aroserela lon om lingeringer, kopwe aroserela tori resap chüen nom. Mürin, aramas meinisin repwe silei pwe Kot a nemenem lon Israel, pwal tori unusen fanüfan.

¹⁴Iteiten lekuniol chon oputaei ra liwinto, ra wörüwör usun ekewe kolak, lupwen ra aniffetal lon ewe telinimw.