Text copied!
Bibles in Wolaytta

Leemiso Maxaafaa 10:12-26 in Wolaytta

Help us?

Leemiso Maxaafaa 10:12-26 in Wolaytta Bible

12 Ixoi palamaa denttettees; shin siiqoi mooruwaa ubbaa qoodenna.
13 Wozannaama asai aadhdhida eran haasayees; shin eeyya urai xam77an shocettees.
14 Aadhdhida eranchchati eraa dagayoosona; shin eeyya haasayaa haasayiya urai bana bashshees.
15 Duriyaa miishshai direttida katamaadan, ba godaa naagees; shin hiyyeesatettai hiyyeesaa xaissees.
16 Xillo uraa a lo77o oosoi de7uwau kaalettees; shin iita uraa wurssettai qixaate.
17 Seerin eeniya urai de7uwaa ogiyan hemettees; shin seerin ixxiya urai balees.
18 Ixxiiddi ba ixxiyoogaa erissenna urai worddanchcha; zigirssaa laaliya uraikka eeyya.
19 Daro haasayaa giddon nagari xayenna; shin ba doonaa shiishshi ekkiya uri aadhdhida eranchcha.
20 Xilluwaa inxxarssai tigettida geeshsha biraa mala; shin iita uraa qofau gatee guutta.
21 Xillo uraa haasayai daro asaa go77ees; shin eeyyati bantta wozanaa pacan haiqqoosona.
22 GODAA anjjoi dure kessees; i he duretettan meto walakkenna.
23 Eeyya urau iitabaa oottiyoogee kaassa mala; shin wozannaama urai aadhdhida eratettan ufaittees.
24 Iita urai hirggidobai a bolli gakkana; shin xilloi amottidobai imettana.
25 Gotee denddidi aadhdhiichchiyo wode, nagaranchchati beettokkona; shin xilloti merinau minnidi de7ana.
26 Caalai achchaa zil77issiyoogaadaaninne cuwai aifiyaa poogiyoogaadan, azalla uraa kiittiyoogee yiilloyees.
Leemiso Maxaafaa 10 in Wolaytta Bible