La Bu 94:5-22

⁵Pakai amahon namite asuchipgamtauve. Nangmamitehohiamahon asugenthei’un ahi.

⁶Amahon meithai hole gamdang mi chule chaga ho athat gam un ahi.

⁷Amahon asei un, “Pakai in eivepouve chule, Israel Pathen inanasah poi”.

⁸Kigel pha kit un, mingol ho! Itihleh tahle nahin hethei diuvem?

⁹Na nakol sempa chu a nangongham? Namit sempau chu amitcho aham?

¹⁰Aman chitin namtinte ana engbolin ahi, nangjong na engbol loudingham? Amanimajouseahesohkei in ahi, nangin ipi naboljongahetsohkei louding ham?

¹¹Pakai in mitin lunggel ahesohkei e, imacha phatchomna neilouahi ahesoh kei e.

¹²Pakai, nadanthu a nahil holenasuhdih ho chu iti kipah u hitam?

¹³Migilou te kimat nading leikotong akilai kah sen nangman amahochu boina akon in lung ol na nape e.

¹⁴Pakai in amite nungsun ponte; Aman ami deitumte donlou in koiponte.

¹⁵Thutan na mun a thudihkimuding chuleh michonpha hojousen apanhu diu ahi.

¹⁶Gitlou na akon a koiham eidalding? Miphalou ho masang a ei dinpeh ding koi ham?

¹⁷Pakai in eina kithopi lou hile, keima thina lhankhuh mun athipchet a ana kicholdo tading kahi.

¹⁸“Keima kalhutai” tin kakapjah in, O pakai nami ngailutnalonglouchun eiphong dingin ahi.

¹⁹Keima lungdon na a kadim teng, nami lungmon nachun kinep nalekipa na eipe ji e.

²⁰Dandih lou a natong lamkai ho chun Pakai kalang a pangding hi atingam nadiu vem?

²¹Themmo nabei ho dou dinamaho akipun khom un monaneilou chungah thina chan inathepmo sah uve.

²²Ahin pakai ka Pathen hi kakiselna songpi kakulpi chu ahi.