3Ka kisel jing theina din kahoidamna songpi hijing in. Keima huhhingka chan theina ding’in thu peh chupen, nangma ka songpi le ka kiselnana hi.
4Ka Pathen, miphalouho thaneinaa kon’in neihuhdoh in, eibolse a miengbolseho’a kon’in neihuhdoh in.
5Vo Pakai nangbou ka kinepna nahi, Vo Pakai nangma hi ka chapanlaiya pat’a ka hin tahsan na hi tai.
6Henge, ka pen’a pat nang’in neinaumpi jing in, ka nu naobu sung’a kakijil’a pat’a neina chintuppat ahitai, hijeh a nangma ka thangvah jing hidatmo ding ahipoi.
7Ka hinkho hi mitamtah dinkihilna thei ahi, ajeh chu nangma hika thahatna le ka kiselna na hi.
8Hijeh a chu nangma ka thangvah chim theilou na hi; Nilhum kei keia hi na loupina ka phondoh jing ahi.
9Tua, ka tehphat hin neipaidpoh hihin. Ka tha’n ajolou teng neinungsunhih in.
10Ka melmate hi keima douna di’nakihoutoh tauve. Amaho hin thadohding eigo tauvin ahi.
11Amahon, “Pathen in anungsuntai che’u hitin gaman’u hite ajehchu tuahi koiman apanpi lou dingahi,” atiuve.
12Vo Pathen, munchom a potdohhih in, ka Pathen neihung panpi loiin.
13Keima eihehseho hi sunem’inlangsumang jengin, keimaeibolsenomho hi sujum’in langjachatsah in.
14Keima vang neikithopi ding’akinem jing ding ka hi; Keimannangma ka thangvahbe jing dingna hi.
15Keiman nangma chonphatnahohi mijouse ka seipeh ding ahi. Keima thusei them hihih jongleng na mihuhhingna thahatna hinilhumkei kei a ka phondoh jingding ahi.
16Vo Pakai thaneichungnung, keiman na thilbol nasatah tahho jeha ka thangvah ding na hi. Thudihchoija nangma bou na hi hi keimanmijouse ka seipeh ding ahi.
17Vo Pathen nang’in ka chapanlaia pat’a neinahil ahitai. Ken jong nathilbol kidangho hi midangho kaseipeh jing ding ahi.
18Tunvang keima ka tehtan ka samakang tai neinungsun hih in. Tu khangthahte lah a hin na thaneina hi samphong lengnge. Kei nung’a hung ding miho lah a jong na thilbol datmo umtahho jong phongdoh ing kate.
19Vo Pathen na chonphatna hi van sangpenho lah jong aphapeh e. O Pathen na thilbol kidangtahho hi koitoh na kitekahpi thei ding ham?
20Hahsatna nasatah tah neithohsah in ahinlah nang’in ka hinkho na kiledohsah ding ahi’n chule lhan lah a kon’in jong neikaidoh in.
21Nang’in lolhinna sangjo cheh a jong neikiledohsah ding avel’a neihin lhamon ding ahi.