La Bu 69:24-34

²⁴Na lunghanna chu achung uvahsunglha jeng’in; na lunghannameikong achun amaho chu kavamjeng in.

²⁵A-in’u chu ahomkeo soh dohjeng henlang aponbuh u jong kidajeng hen.

²⁶Gotnanapehmichun, akisuhkhah na chung uva jumbol naakoibe uve; akisukha ho chu natnaabelap peh uve.

²⁷Achonsetnau setvum peh unlang, khatcha ongthol’in lha hihbeh in.

²⁸Amin u chu hinna lekhabu akonin thaimangpeh in; michonphaho lah a kisimtha sah hihbeh un.

²⁹Keima natna thohgim in ka um e, O Pathen, na mihuhhingna thahat chun neihuhdoh in.

³⁰Hiteng chuleh keiman na min pachatnala’nsangtingchule thangvahna pum’a jana ka peh ding ahi.

³¹Ajeh chu hichun kilhaina bongchalkikilhandohsang’a Pakai chu alunglhaisah ding ahin, bongchal kisaotah pum le kengtin hoitah pum a thilpeh kipe sang in jong aphajoi.

³²Mi kineosah ten a Pathen’u natoh mu vintin kipahdiu ahi. Apanpi dia Pathen holte jousen kitilkhouna neicheh uhen.

³³Ajeh chu Paka in ngaichageova umtetaonaangaiin; aman sohchang’a umho donlouvin akoi jipoi.

³⁴Vo van-le-lei in Pathen vahchoi u henlang twikhanglen le asung a cheng jousen jong vahchoi u hen.