La Bu 59:5-10

⁵O Pakai Pathen hatchungnung Israelte Pathen, hung thoudoh in lang mi phalou namtin vaipiho hi gimbolna hung petan kitahna neilou mi phaloute chung’a hin khotona neihihbeh in.

⁶Amaho janteng leh ahungdoh jiuvin, uingol hon mi angih bang’in lamlen’a akijot’un apeng le jiuvin ahi.

⁷Akamsunguva thu thanghoi hungpotdoh khu ngai in chemjam akisat bang’a ngaithada umtah ahi. Hitobang’a ngai thaset umtah hikon angai ngam ding ham?

⁸Ahinla Pakai nang’in amaho chu na nuisat’in, mi phalou namtin vaipiho chu na hohdal’in ahi.

⁹Nang hi kahatna nahi; eihuhdohdin nang kangah jing e, ajeh chunang hi kakibitna kulpi nahi.

¹⁰Ami ngailut na longlou chunka Pathen in eidinpi ding ahi. Amanka melmate jouse chung’a agaljonaa eimusah ding ahi.