La Bu 140:1-13

¹La lamkaipa henga: David lasem O Pakai, miphalouhoa kon’in neihuhdoh in, pumhat-a natong hoa kon’in neihoidohsah’in,

²ajeh chu alung sung’uva thilse jeng agong un, beitih um louvin gal abol jiuvin ahi.

³Alei gui-u gul in mi achuh bang in amang chauvin, athuseidoh jouseu jong gul-gu tobang ahi.

⁴O Pakai, miphalou ho khutna kon hin neihoidoh in, pumhatna natong hoa kon’in neihuhdoh in; ajeh chu kakipal lhuhna din thisle jeng agong un ahi.

⁵Mi kiletsah hon kei natna din thang akam un, khao ajan-doh’un lampi dunga thang ei-kampeh’un ahi.

⁶Keiman Pakai kom’a, “Nangma hika Pathen nahi!” O Pakai, khotonadinga kataona nei sanpeh tan.

⁷O Pakai hatchungnung, athahatpan-a eihuhdoh pa; nangman galkisat nikhoa nei huhdoh ahi.

⁸Pakai, migilouho adei bang’inchesah hih’in, athilse gonhou chulolhinsahhih’in; achutilouvaahileh kiletsahna dim diu ahi.

⁹Kagal miten kachunga thil phaloutohgon anei jal un, manthah nanlhung u-hen.

¹⁰Meiam kong chu alu chunguvahchuhsah’in, meilah’a seplut in; ahiloulehajamdohlounadiutwiveina kotong’ah lhalut jeng u-hen.

¹¹Ka gamsung uva hin ajou jouva mihehse ho khantousah hihbeh’in, pumhat’a natong ho achunguva thilse chuhsah’in lang sumang in.

¹²Hinlahsuhgentheijaumte Pakaiyin asumil poi, ti kahen; Aman vaichate thu adih’a atanpeh ding ahi, ti kahei.

¹³Tahbeh’in midih hon namin athangvah diu, chule michonpha ho na kom’a cheng diu ahi.