Kiitisae 6:17-22 in Susu

¹⁷ Gedeyon naxa a yaabi, «Xa i bara hinnɛ n na, tɔnxuma nde masen n bɛ, naxan a masenma i tan yati nan wɔyɛnxi n bɛ.

¹⁸ Yandi, i naxa i makuya be ra, beemanu n xa fa n ma sɛrɛxɛ ra i bɛ.» Alatala naxa a fala, «N luma be han i fama tɛmui naxɛ.»

¹⁹ Gedeyon naxa siga, a sa si yɔrɛ keren faxa, a farin busali keren nafala taami lɛbinitare ra. A naxa sube sa debe kui, a naxa bɔrɛ sa bɔrɛ sase kui, a naxa e dɛntɛgɛ Alatala bɛ wuri bili bun ma.

²⁰ Alatala xa malekɛ naxa a masen a bɛ, «Sube nun taami lɛbinitare tongo, i xa e sa yi gɛmɛ fari, i bɔrɛ sa a ma.» Gedeyon to ge na rabade,

²¹ Alatala xa malekɛ naxa a yisuxuwuri itala, a naxa a din sube nun taami lɛbinitare ra. Na kui tɛ naxa dɛxɛ gɛmɛ ma, a sube nun taami lɛbinitare birin gan. Na xanbi Alatala xa malekɛ naxa lɔɛ a ma.

²² Gedeyon to a to Alatala xa malekɛ yati nan a ra, a naxa a fala, «N Marigi Alatala! N bara Alatala xa malekɛ to, a tixi n ya i.»

¹⁷ فٍدٍيٌن نَشَ عَ يَابِ، «شَ عِ بَرَ هِننّ ﭑ نَ، تْنشُمَ ندٍ مَسٍن ﭑ بّ، نَشَن عَ مَسٍنمَ عِ تَن يَتِ نَن وْيّنشِ ﭑ بّ.

¹⁸ يَندِ، عِ نَشَ عِ مَكُيَ بٍ رَ، بٍيمَنُ ﭑ شَ قَ ﭑ مَ سّرّشّ رَ عِ بّ.» عَلَتَلَ نَشَ عَ قَلَ، «ﭑ لُمَ بٍ هَن عِ قَمَ تّمُي نَشّ.»

¹⁹ فٍدٍيٌن نَشَ سِفَ، عَ سَ سِ يْرّ كٍرٍن قَشَ، عَ قَرِن بُسَلِ كٍرٍن نَقَلَ تَامِ لّبِنِتَرٍ رَ. عَ نَشَ سُبٍ سَ دٍبٍ كُي، عَ نَشَ بْرّ سَ بْرّ سَسٍ كُي، عَ نَشَ عٍ دّنتّفّ عَلَتَلَ بّ وُرِ بِلِ بُن مَ.

²⁰ عَلَتَلَ شَ مَلٍكّ نَشَ عَ مَسٍن عَ بّ، «سُبٍ نُن تَامِ لّبِنِتَرٍ تٌنفٌ، عِ شَ عٍ سَ يِ فّمّ قَرِ، عِ بْرّ سَ عَ مَ.» فٍدٍيٌن تٌ فٍ نَ رَبَدٍ،

²¹ عَلَتَلَ شَ مَلٍكّ نَشَ عَ يِسُشُوُرِ عِتَلَ، عَ نَشَ عَ دِن سُبٍ نُن تَامِ لّبِنِتَرٍ رَ. نَ كُي تّ نَشَ دّشّ فّمّ مَ، عَ سُبٍ نُن تَامِ لّبِنِتَرٍ بِرِن فَن. نَ شَنبِ عَلَتَلَ شَ مَلٍكّ نَشَ لْي عَ مَ.

²² فٍدٍيٌن تٌ عَ تٌ عَلَتَلَ شَ مَلٍكّ يَتِ نَن عَ رَ، عَ نَشَ عَ قَلَ، «ﭑ مَرِفِ عَلَتَلَ! ﭑ بَرَ عَلَتَلَ شَ مَلٍكّ تٌ، عَ تِشِ ﭑ يَ عِ.»