Kejadian 5

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Uanguveng Lahatala Ana manusia ening angu, Ana ing ening emenghula Erupa angu edadenang. Lahatala Ana ing ening mehal, bot jangu. Seng angmuse Ana iarut hula, “manusia”, bot Ana aaung-hama ba bae ebale veng niang angu, metma mainang. Manusia halomang angu ene Adam. Angaba Adam etabaning ang naung iene.

³Adam euumur mitung 130 muse, ana vaal mehal nu vengajai. Vaal angu erupa angu, emenghula aing edadenang. Angmuse Adam ana oal mehal angu ene maveng, ene Set.

⁴Adam ana Set vengajai sengmuse, ana aabetat mitung 800 maveng. Angu ebele, Adam ana vaal mehal, bot val jangu di, taang vengajait maveng.

⁵Base, Adam euumur mitung 930 muse, ana aamina.

⁶Set ana aabetat eeumur mitung 105 muse, ana vaal mehal nu vengajai, ene Enos.

⁷Bot Set ana jedung aabetat mitung 807 maveng. Angu ebele, Set ana vaal mehal, bot vaal jangu di, taang vengajait maveng.

⁸Base, Set euumur mitung 912 muse, ana aamina.

⁹Enos euumur mitung 90 muse, ana vaal mehal nu vengajai, ene Kenan.

¹⁰Bot Enos ana jedung aabetat mitung 815, maveng. Angu ebele, Enos ana vaal mehal, bot vaal jangu di taang vengajait maveng.

¹¹Uanguveng Enos euumur mitung 905 muse, ana aamina.

¹²Kenan euumur mitung 70 muse, ana vaal mehal nu vengajai, ene Mahalalel.

¹³Angmuse Kenan ana jedung aabetat mitung 840 maveng. Angu ebele, Kenan ana vaal mehal, bot vaal jangu di taang vengajait maveng.

¹⁴Base, Kenan euumur mitung 910 muse, ana aamina.

¹⁵Mahalalel euumur mitung 65 muse, ana vaal ehal nu vengajai, ene Yarid.

¹⁶Angmuse Mahalalel ana jedung aabetat mitung 830 maveng. Angu ebele, Mahalalel ana vaal mehal, bot vaal jangu di taang vengajait maveng.

¹⁷Base, Mahalalel euumur mitung 895 muse, ana aamina.

¹⁸Yarid euumur mitung 162 muse, ana vaal mehal nu vengajai, ene Henok.

¹⁹Angmuse Yarid jedung aabetat mitung 800 maveng. Angu ebele, Yarid ana vaal mehal, bot vaal jangu di taang vengajait maveng.

²⁰Base, Yarid euumur mitung 962 muse, ana aamina.

²¹Henok euumur mitung 65 muse, ana vaal mehal nu vengajai, ene Metusalak.

²²Angmuse Henok ana Lahatala At aabetat eluung mitung 300 maveng. Angu ebele, Henok ana vaal mehal, bot vaal jangu di taang vengajait maveng.

²³Bot Henok ana Lahatala At aabetat alolang-niang. Angu ebele Henok euumur mitung 365 muse, ana ue-niang, se Lahatala Ana aing ohit sorga mi mida angu ebele.

²⁵Metusalak euumur mitung 187 muse, ana vaal mehal nu vengajai, ene Lamek.

²⁶Angmuse Metusalak ana jedung aabetat mitung 782 maveng. Angu ebele Metusalak ana vaal mehal, bot vaal jangu di taang vengajait maveng.

²⁷Base, Metusalak euumur mitung 969 muse, ana aamina.

²⁸Lamek euumur mitung 182 muse, ana vaal mehal nu vengajai.

²⁹Angmuse Lamek ana vaal angu ene maveng, ene Noh (emenghula hur kokal nu angu edadenang, evengbanang tarang se hula, ꞌtomi ening sanangꞌ), angu ebele Lamek ana mateng hula, “Por-alolang ba Lahatala Ana kutuk metma taang mea tila anga, pi taang karajang etatabit susa-lala dise, vaal anga eningse ana tomi angu ening sanang.”

³⁰Angmuse Lamek ana jedung aabetat mitung 595 maveng. Angu ebele Lamek ana vaal mehal, bot vaal jangu di taang vengajait maveng.

³¹Base, Lamek euumur mitung 777 muse, ana aamina.

³²Noh ana aabetat euumur mitung 500 muse, ana vaal mehal tue vengajai. Benangba, Sem, Yafed, bot Ham.