Kawandila 4:4-13 in Susu

⁴ N bara a to, mixi walima e xunnakeli fenma milɛ kui. Yi fan findixi fe fufafu nan na, alɔ birafe foye fɔxɔ ra.

⁵ Xaxilitare a bɛlɛxɛe findigilinxi a ma, a mu walima, han a xun nakana.

⁶ Bɔɲɛsa dondoronti fisa katɛ gbegbe bɛ. Na katɛ luxi nɛ alɔ mixi naxan birama foye fɔxɔ ra.

⁷ N bara fe fufafu gbɛtɛ fan to yi duniɲa ma.

⁸ Xɛmɛ nde nu na naxan nu na a kerenyi ma, mixi yo mu nu na a bɛ. A nu walima tɛmui birin, kɔnɔ a mu wasa a xa naafuli ra. A naxa a yɛtɛ maxɔrin, «N na walife tɔɔrɛ kui nde bɛ?» Yi mɔɔli fan findixi fe fufafu nan na.

⁹ Mixi firin malanxi sɔɔnɛya dangife mixi ra naxan luma a keren. Na firinyie xa wali dangi na mixi kerenyi gbe ra.

¹⁰ Xa a sa li keren bira, a boore a rakelima nɛ. Kɔnɔ mixi naxan birama, a malima mu na, na tɔɔrɔma nɛ a ɲaaxi ra.

¹¹ Na maniyaxi mixi firin nan na, naxee saxi e boore fɛ ma xinbeli tɛmui, e nu wuyenyi sɔtɔ e boore saabui ra. Kɔnɔ mixi naxan na a kerenyi ma, na xinbeli bama di?

¹² Mixi ɲaaxi nɔma nɛ mixi keren na, kɔnɔ mixi firin tan tima nɛ a kanke. Luuti xɔri saxan malanxi mu bolonma mafuren.

¹³ Misikiinɛ xa di naxan xaxili fan, a sɛnbɛ gbo mangɛ bɛ naxan mu fata marasi fanyi nun a ɲaaxi tagi rasade.

⁴ ﭑ بَرَ عَ تٌ، مِشِ وَلِمَ عٍ شُننَكٍلِ قٍنمَ مِلّ كُي. يِ قَن قِندِشِ قٍ قُقَقُ نَن نَ، عَلْ بِرَقٍ قٌيٍ قْشْ رَ.

⁵ شَشِلِتَرٍ عَ بّلّشّيٍ قِندِفِلِنشِ عَ مَ، عَ مُ وَلِمَ، هَن عَ شُن نَكَنَ.

⁶ بْحّسَ دٌندٌرٌنتِ قِسَ كَتّ فبٍفبٍ بّ. نَ كَتّ لُشِ نّ عَلْ مِشِ نَشَن بِرَ مَ قٌيٍ قْشْ رَ.

⁷ ﭑ بَرَ قٍ قُقَقُ فبّتّ قَن تٌ يِ دُنِحَ مَ.

⁸ شّمّ ندٍ نُ نَ نَشَن نُ نَ عَ كٍرٍنيِ مَ، مِشِ يٌ مُ نُ نَ عَ بّ. عَ نُ وَلِمَ تّمُي بِرِن، كْنْ عَ مُ وَ سَ عَ شَ نَاقُلِ رَ. عَ نَشَ عَ يّتّ مَشْرِن، «ﭑ نَ وَلِقٍ تْورّ كُي ندٍ بّ؟» يِ مْولِ قَن قِندِشِ قٍ قُقَقُ نَن نَ.

⁹ مِشِ قِرِن مَلَنشِ سْونّيَ دَنفِقٍ مِشِ رَ نَشَن لُمَ عَ كٍرٍن. نَ قِرِنيِيٍ شَ وَلِ دَنفِ نَ مِشِ كٍرٍنيِ فبٍ رَ.

¹⁰ شَ عَ سَ لِ كٍرٍن بِرَ، عَ بٌورٍ عَ رَكٍلِمَ نّ. كْنْ مِشِ نَشَن بِرَ مَ، عَ مَلِمَ مُ نَ، نَ تْورْ مَ نّ عَ حَاشِ رَ.

¹¹ نَ مَنِيَشِ مِشِ قِرِن نَن نَ، نَشٍيٍ سَشِ عٍ بٌورٍ قّ مَ شِنبٍلِ تّمُي، عٍ نُ وُيٍنيِ سْتْ عٍ بٌورٍ سَابُي رَ. كْنْ مِشِ نَشَن نَ عَ كٍرٍنيِ مَ، نَ شِنبٍلِ بَمَ دِ؟

¹² مِشِ حَاشِ نْمَ نّ مِشِ كٍرٍن نَ، كْنْ مِشِ قِرِن تَن تِمَ نّ عَ كَنكٍ. لُوتِ شْرِ سَشَن مَلَنشِ مُ بٌلٌنمَ مَقُرٍن.

¹³ مِسِكِينّ شَ دِ نَشَن شَشِلِ قَن، عَ سّنبّ فبٌ مَنفّ بّ نَشَن مُ قَتَ مَرَ سِ قَنيِ نُن عَ حَاشِ تَفِ رَ سَدٍ.