Katuma 14:16-26

¹⁶In nu dadati ma ceki anu wa wuzi in umbe sa wa ira.

¹⁷Vat in anime, daki ma ceki nice nume sarki imumu u inko u ira ba, barki ma nyin za timumum tiriri, ma nyin ure, uganiya uringirka wa myinca amuriba mushime nan ni mumare nan na puru arum.

¹⁸Vat inna guran aginome, bulus nan barnabas wa rusi utura ume usuro u we u wito.

¹⁹Vat ayahudawa u antakiya nan aye awe a ikoniya wahunguko muruba muni orime. Watizi bulus wahungukome uhana amatara mani pinme, wahiri kasi mawono.

²⁰Vatin anime sa anu tarsa uYeso watonzino wakatime, sama hiri anyimo ani pin. Usana hira utaru nigome nan barnba.

²¹Sa wa wuza tizeme ani pin nigino me wa kem anu tarsa UYeso gbardang waze u suro ulistira, nan nu ikoniya nan antakiya.

²²Waz in nu nonsi umuruba manu tarsa u Yeso wa inta uhem uweme, aca ware je in uni wazin nu gusa we, ''ahira utonno memmerum tidi ribe ati gomo ta sesere, barkani me ya cukuno gbas tisi jas.''

²³sa wa zaukawe anaje akoya udenge Asere, ba wa wuziwe biringara nan niwe ni mei, wa witi we atari tu gomo Asere, uhanan desa wa hem in ine.

²⁴Waha watrsi ubisidiya wabiki ubamfiliya.

²⁵sawa wuza tize tuwe u biriya wa aki uhana u italiya.

²⁶Uzirgi umei uhana u antakiya abine ani a witi imum iriri ya Asere barki sa wamara aname.