Kap 79:8-13

⁸Babɨknin da aŋpak yokwi awit uŋun do yo yokwi dɨma aŋ nibi. Abɨsok nin yokwisi ekwamaŋ do bupmɨ nandaŋ nimɨŋek tepmɨsi paŋpulugoki.

⁹Piŋkop, gak yokwikon baŋ tɨmɨt tɨmɨt Piŋkopnin. Man madepgo do nandaŋek nin paŋpulugaŋek dɨwarɨnin wɨrɨrɨkgi.

¹⁰Amɨn Ŋwakŋwarɨ Kabɨ da nin do yaŋ yoŋ, “Piŋkopni dukon egɨsak?” Uŋun tagɨ dɨma. Uwal da oman amɨngo dapba kɨmakgwit, do yawinin dakon kobogɨ do gak da Amɨn Ŋwakŋwarɨ Kabɨ yo yokwisi aŋ yomɨŋaki gandak do nandamaŋ.

¹¹Dam tebanon ekwaŋ amɨn dakon kunamni nandaki. Aŋek tapmɨm madepgokon da uwal da amɨn dapba kɨmotni dosi kɨlɨ yawit, uŋun yokwikon baŋ tɨmɨkgi dosi nandɨsat.

¹²Uwal nin da kapmatjok ekwaŋ uŋun da gak do gen yokwisi yawit, do Amɨn Tagɨ aŋpak yokwini dakon kobogɨ yomɨŋaki kosirɨ 7 yaŋ asak.

¹³Yaŋ aŋaki mɨŋat amɨn kabɨgo, sipsip kabɨgo, nin toktogɨsi ya yaŋ gayɨneŋ. Ae babɨknin don altoni uŋun kɨsi da mango aŋkɨsini.