Yaburina 79:8-13

⁸I nama nxu tɔrɔ nxu benbane hakɛne fe ra. I ya kininkininna xa nxu ralan iki sa! Amasɔtɔ nxu makona a ma han!

⁹Ala, nxu rakisi muxuna, nxu mali i xinla binya feen na! Nxu xunba, i yi nxu mafelu nxu yulubine ra i xinla a fe ra.

¹⁰Nanfera siyane maxɔdinna tima, e naxa, “E Ala minɛn?” A yita siyane ra nxu yɛɛ xɔri a i ya walikɛne faxa feen ɲɔxɔma nɛn.

¹¹I tuli mati suxu muxune kutun xuiin na. Naxanye yalagin bun, ne ratanga i sɛnbɛ gbeen na.

¹²Na siyane konbin naxanye ti i ma Marigina, ne saranna fi na ra dɔxɔ solofere.

¹³Nanara, nxu tan i ya yamana, i naxan kantanma alo i ya xuruse kuruna, nxu i tantunɲɛ na yi habadan, nxu i matɔxɔ waxati famatɔne birin yi.