Kap 49:11-19

¹¹Uŋun kalɨp mɨktɨm yumaŋ naŋek iyɨ do tɨmɨkgwit, mani kɨmakbi kokup da kokupsini aban uŋudon dagok dagogɨ mɨni egɨpdaŋ.

¹²Amɨn dakon yoni tagɨsi uŋun da kɨmot dakon kosit arɨpmɨ dɨma sopjak. Uŋun joŋ bɨt kɨlapyo da yaŋ kɨmotdaŋ.

¹³Amɨn egɨp egɨpni iyɨkon tosok yaŋ nandaŋ amɨn uŋun kɨmotdaŋ. Uŋuden amɨn nandak nandak tagɨ mɨni. Uŋun amɨn yoni morapmɨ do kɨsɨk kɨsɨk aŋ, mani uŋun kɨmotdaŋ.

¹⁴Sipsip da yaŋ kɨmagek kɨmakbi kokupmon kɨni do Piŋkop da yaŋ mudaŋ yomgut. Yutni tagɨsi yɨpmaŋ detni, ae gɨptɨmni da mɨktaŋ mudoni. Aŋakwa kɨmot da kɨla amɨni egɨ yomdɨsak.

¹⁵Mani, Piŋkop da nak yokwikon naŋ abɨdokdɨsak. Aŋakwan amɨn kɨmakbi tamo da nak abɨdosak dakon tapmɨm dɨma taŋ ɨmdɨsak.

¹⁶Amɨn dɨwarɨ moneŋ morapmɨ tɨmɨtni, ae yutni madepsi ani, ae tɨlɨmni morapmɨ kaŋ, gak uŋun do but yokwi dɨma abi.

¹⁷Uŋun kɨmagek yo dɨ arɨpmɨ dɨma pabɨdaŋek kɨkdaŋ. Yo morapni tɨlɨmɨ toŋ uŋun gat kɨsi tɨmɨgek kɨmakbi kokupmon arɨpmɨ dɨma kɨkdaŋ.

¹⁸Ekwaŋ bɨsapmon, yoni uŋun do kɨsɨk kɨsɨk aŋ. Uŋun pi madepsi aŋek yo morapmɨ tɨmɨgakwa mɨŋat amɨnyo da “amɨn tagɨsi” yaŋ yoŋ.

¹⁹Mani uŋun kɨmagek babɨkni gat gɨldat ae dɨma kokogɨ kokupmon egɨpdaŋ.