Kap 20:2-7

²Uŋun telagɨ yutnikon Saion kokup papmon egɨsak. Uŋun da gak aŋpulugaŋek aŋteban asak dosi nandɨsat.

³Uŋun da paret morap asal uŋun do tagɨ nandɨsak dosi nandɨsat. Ae paret morapgo kɨndapmon sosol uŋun do galak tosak dosi nandɨsat.

⁴Piŋkop da yo morap galak tosol uŋun gamjak, ae pi morap ak do nandɨsal uŋun da aŋpulugaŋakwan arɨpmɨ tagɨ abi dosi nandɨsat.

⁵Emaron teban toki bɨsapmon kɨsɨk kɨsɨk aneŋ, ae Piŋkopnin dakon man awɨgɨneŋ. Yawe da bɨsit morapgo nandɨsak dosi nandɨsat.

⁶Abɨsok nak nandɨsat. Yawe da kɨla amɨn madepni iyɨ manjɨgɨt aŋpulugosok. Uŋun Kwen Kokup kokupni tagɨsikon egek bɨsitni nandɨsak. Iyɨ da tapmɨmon aŋpulugaŋek uwalni da kɨsiron naŋ abɨdosok.

⁷Amɨn dɨwarɨ emat bɨsapmon os da amɨn ɨlɨk pawɨlgaŋ tamoni uŋun do pɨbɨt tɨdok aŋ. Ae amɨn dɨwarɨ osni do pɨbɨt tɨdok aŋ. Mani nin Yawe Piŋkopnin dakon tapmɨm do yo madepsi yaŋ nandamaŋ.