Kap 147:10-15

¹⁰Yawe uŋun os dakon tapmɨm gat ae amɨn dakon tapmɨm gat do nandaban yo madep dɨma asak.

¹¹Mani, amɨn iyɨ do pasal ɨmaŋ ae Yawe da nin do but dasi bɨsapmɨ bɨsapmɨ galak taŋ nimɨsak yaŋsi nandaŋ gadaŋ amɨn uŋun do galak taŋ yomɨsak.

¹²Jerusalem amɨn ji Yawe aŋkɨsini. Saion amɨn ji Piŋkopji aŋkɨsini.

¹³Uŋun da kokup papji dakon wigat paŋteban aŋek amɨn kabɨgo gɨsam yomɨsak.

¹⁴Uŋun da paŋpulugaŋban emarɨ mɨni tagɨsi ekwaŋ. Ae wit tagɨsi dakon baŋ paŋɨreŋ aban naŋek butji tugoŋ.

¹⁵Gen kɨnda yɨpmaŋdak uŋun tepmɨsi mɨktɨmon pɨsak.