15Yosefa sisitawaḡana si sanamaniya amasi yawasina i kakaviya eketa tututausi si vikanusifusifufuwa si bwaduwa, “Namai tu Yosefa yata fufunagoyo manatuwaina ina tukunakasiya yo ina kwabuyuna.”
16Eketa sifufu si vininitiya Yosefa nenei si bwaduwa, “Muniyai yo amata yawasina ina kakaviya, i bwaduwa,
17‘Yosefa nofemaise kwana iyaviya. “Sisitawaḡau yasi fufunagoyo neneweu, nuwanuwaku kuna vinuwateweiya.”’ Kima o amau yana Guyau kana kaetoḡa na fasinei ka vikokona-sineganiganiya neneweu ebe yama go'yona kuta vinuwateweisiya.” Tovanama Yosefa bwadu nofe i nowaniya, i bwedisitasita.
18Eketa sisitawaḡana si nemiya naunei si fekuwa keta si bwaduwa, “Kima ka kaetoḡa.”
19Eatu i iyavisiya i bwaduwa, “Muka kwana matuta, iyau muka Guyau.
20Manatuwaina kwata givikuvavanikuwa eatu Guyau i gikikinomaniya kana dewadewana ebe namoḡa yagwanisi muka sina domuna, maise kimoki ta kitakitiya.
21Na fasinei muka kwana matuta, na natunatumi ana kitavikavinimiya.” Nofemaise fonana biganei i sawavininiusiya.
