1Ákↄ̃nↄ dikirinↄ, à á zↄ̀nↄ gwa a zɛ́a súsu. Àgↄ̃ dↄ̃ kũ ákↄ̃nↄ se á Dikiri vĩ musu.
2À á zĩda kpá aduakɛnaaa kũ itɛ̃kɛnaao kũ sáabukpanaao.
3À wɛ́ kɛwɛrɛ Ludaa dↄ, à zɛ́ bowɛrɛ ò a yã waazi kɛ, ò Kirisi asiriyã ońnɛ. Abire yãin ò ma dai kpɛ́siran.
4À wɛ́ kɛmɛnɛ mà yã pì o swáswa, lákũ à kũ̀ mà o nà.
5Àgↄ̃ á zĩda kũna dↄ̃ Yesusaridenↄ tɛ́ kũ ↄ̃ndↄ̃o. Àgↄ̃ yã kũ Luda a zɛ́ bòárɛ kɛ a gↄrↄa.
6À tó á lɛ́gbɛ gↄ̃ nna àgↄ̃ karana vĩ, de àgↄ̃ dↄ̃ lákũ áni yã lí baadia nà.
7Ó gbɛ̃ yenyĩde Tikiku ni ma baaru kpáárɛ pínki. Àkũmɛ zĩkɛri náanide ũ, ó zↄ̀bleri dakemɛ Dikiri zĩ gũn.
8Abire yãimɛ matɛni a zĩáwa de à ó kunna oárɛ, à laakari le à kpátɛ.
9Á gbɛ̃ndo Ɔnɛsimu, ó gbɛ̃ yenyĩde náanide tɛn su kãao. Oni pↄ́ kũ ó kú a gũn gu dia oárɛ pínki.
10Arisitaku kũ ó kú lɛɛlɛ kpɛ́siran fↄ kpàáwa kũ Baanaba dakũna Maakuo. Ò Maaku yã òárɛ kↄ̀. Tó à sù á kĩnaa, à gbãnakɛ kpánɛ.
11Yesu kũ òdi pinɛ Yusutu fↄ kpàáwa dↄ. Yuda kũ ótɛn kpata kũ à bò Luda kĩnaa zĩ kɛ lɛɛlɛnↄ lɛ́n gwe. Ma laakari kpatɛna kũńwo.
12Á gbɛ̃ndo Ɛpafara, Kirisi Yesu zↄ̀bleri fↄ kpàáwa. Àdigↄ̃ ania kɛ kũ aduakɛnaárɛo gↄrↄ sĩnda pínki, de à le à kàsara kú àgↄ̃ papana Luda pↄyenyĩnaa gũn.
13Mani fↄ̃ mà a sèeda kɛ kũ àtɛn zĩ kɛárɛ manamana, ákↄ̃nↄ kũ Laodiseadenↄ kũ Iɛrapↄlidenↄ.
14Ó likita yenyĩde Luku kũ Demasio fↄ kpàáwa.
15À fↄ kpá ó gbɛ̃ kũ ò kú Laodiseanↄa kũ Nimfao kũ sↄsi gbɛ̃ kũ òdi kↄ̃ kakara a bɛanↄ.
16Tó a takada dí kyó kɛ̀, à kpá Laodisea sↄsi gbɛ̃nↄa ò a kyó kɛ, gbasa à ń pↄ́ kyó kɛ se.
17À o Akipunɛ, à laakari dↄ Dikiri zĩ kũ ò dànɛɛa, à a mì dɛ.
18Makũ Pↄlu makũ mɛ́ ma yã dí kɛ̃̀ kũ ma zĩda ↄo, ma fↄ kpàáwa. À tó ma kunna kpɛ́siran yã gↄ̃ dↄágu. Luda gbɛ̃kɛ kɛárɛ.
