Juan 6:47-51

⁴⁷Inkaate kemisantainane naaka, ari inkañaanetai. Imaperotatya.

⁴⁸Naakatake owanawontsi añaakaantatsiri.

⁴⁹Rowawetakawo picharinepaini ‘maná’ ochempiki, kamimaitaka.

⁵⁰Iriima oshiyakawori owanawontsi nokenkithatakotziri naaka ipoñaakawo inkiteki. Inkaate owaiyaarine jirika, eero ikaamanetai.

⁵¹Naaka kañaaneri owanawontsi poñagainchari inkiteki. Inkaate owakyaawone jiroka owanawontsi, ari inkañaanetai. Jiroka owanawontsi nopantziri naaka, nowathapero ini. Iri nishinewenta isaawikisatzipaini inkañaanetantaiyaari.”