John 6:47-51

⁴⁷Atha arrenhantherr arraty innga ilem, artwa anyentel ayenh tnakenty, atyeng irrpelthirrey-angenh, ra iteth intem-antey aneyenh.

⁴⁸Ayeng aneyel amern itethiley-angker, ingkerrenh itethileyel intem-antey.

⁴⁹Awank-akerr, apmer arlpaw-itwek arrwekelenyel-rnem amern alker-areny arlkwenh. Ikwer-penh rernem intem-antey itethirrey-angenh, amern-angkwarr, amern apmwirrey-angker.

⁵⁰Amern nhenh alker-theyarl apetyek. Amern renh arlkwenty, rernem nthakenh ilwey-angenh.”

⁵¹Jesus ranem ilelhek, “Ayeng amern intem-antey itethiley-angker, ayeng alker-they apetyek. Amern nhenh arlkwenty, ra iteth intem anetyek. Amern nhenhan arlka atyenh. Ayeng arlka menty anthelhem, ahern-areny ingkerrenh itethiletyek.”