3Nannori isinin imisifo ichaparasi racanifo. Fushofo non chatofo non yoratisho quicurushui futsuafori racanifo. Ascaino Diospan oinmati afu nai muran icaton nanno ian man facushta ano oi fustirasi ipaoni. Nanno nocoshon Diospan oinmatinin ianman facu fuchomapaoni. Nan ianman facushta fuchoai muran isinin icai futsa iqui tauashu cayapaoni. Ascan nantifi isinin imisifoan manaifono Diospan oinmatinin ian fuchomanaino ian muran iquitaunon.
5Ascano Jesús nanno nocotoshiqui oian nocofunu treinta ocho fari isinin itianiquin noconi. Yoratisho quicurushui futsua nipaiqui ranainton fuchini.
6Futsan Jesús yoishoni na nocofunu treintiocho fari isinin imisiran. Huaiton yocani, —¿Min cayapaimun? —ishon Jesús yocaiton.
7Nicaquin cumani, —Tsoancai ua ianman facushta muran iquimamisima Diosin nai oinmatinin ian fuchoaino. Un iqui taupaiyaiton ua shutimisiforan, —ishon yoiaiton.
8Ascaiton Jesús cumani, —Funinaca huahuun. Min oshati ya catashquin, —ishon yononi.
9Ascaiton nicai funinaca huan ahuun oshati ya cani. Nan sabadoai shafatan yoratishon quicurushui futsua Jesús caya huani.
10Ascano nocon caifo niaifofoan oian nan nocofunun ahuun oshati foaiton oincaquin yoinifo, —¿Ahuuscain min oshati Sabadoaino min foain? ¿Min tapiamamun nocon shuni Moisés noco yononi non Sabadoaino ahuashta huatiroma? Ascan min oshaticai na Sabadoaino min fotiromaran, —ishon yoinifo.
11Ascaiton ato cumani, —Na nocofunun ua caya huamashon. Ua isca huaa “Min oshati fotahuun,” ishon ua yonoaran, —ato huaiton.
Juan 5
Juan 5:3-11