Juan 4:47-49

⁴⁷Tô igdinág tô opisyales na igpanó si Jesus tikud tun ta probinsya ka Judea asta igdunggù tun ta probinsya ka Galilea, igsadun tô opisyales tun ki Jesus, asta igpédu-édu sikandin na madun si Jesus tun ta Capernaum ébô dappánnan din tô batà din, su masig dán maté.

⁴⁸Igkagi si Jesus, na mà din, “Atin ka ándà kasalábbuan na kitanán yu, dì kó mamaké kanak.”

⁴⁹Igkagi tô opisyales, na mà din, “Sir, tákkás ka kanak palad manté pa tô batà ku.”