ᤕᤢᤜᤢᤴᤏᤠ 4:47-49

⁴⁷ᤂᤧᤸᤗᤧ ᤕᤧᤛᤢ᤺ᤴ ᤕᤜᤢᤍᤡᤕᤠᤗᤠᤶ ᤃᤠᤗᤡᤗᤀᤥ ᤁᤧᤖᤧ ᤋᤩᤧ ᤁᤧᤗ᤹ᤒᤠ ᤂᤧᤵᤛᤢᤀᤠᤱ ᤂᤧᤵᤔᤥ ᤁᤢᤍᤢᤶᤛᤧ ᤐᤣ॥ ᤂᤧᤸᤗᤧ ᤕᤧᤛᤢ᤺ᤴ ᤋᤢᤔᤢ ᤜᤧᤰᤁᤩᤠᤱ ᤁᤐᤷᤏᤜᤢᤶᤔᤥ ᤕᤧ᤹ᤀᤠᤱ ᤛᤡ᤺ᤔᤠᤗᤡᤱᤎᤥ ᤁᤧᤃᤧᤵᤐᤠᤀᤠᤱ ᤁᤧᤏᤧᤒᤠ ᤀᤠᤛ᤻ᤛᤠ᤺ᤴ ᤘᤣ᤺ᤴᤍᤧ᤹ ᤑᤠ᤹ᤀᤠᤱ ᤐᤣᤗᤡ ᤑᤠᤰᤋᤢᤖᤥ॥

⁴⁸ᤕᤧᤛᤢᤖᤧ ᤂᤧᤴ ᤛᤢᤜᤠᤱᤕᤢᤰᤐᤧᤴ ᤔᤧᤳᤋᤢ. “ᤂᤡᤏᤡ᤹ ᤔᤡᤰᤛᤣ᤺ᤴ ᤏᤢ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤔᤧᤴᤏᤡᤀᤣ ᤌᤠᤖᤡᤰ ᤀᤠᤵᤑᤠᤸᤗᤧᤀᤠᤱ ᤏᤛᤠ᤺ᤴ ᤁᤧᤴᤈᤥᤃᤢᤶᤔᤡᤴᤗᤥ॥”

⁴⁹ᤂᤧᤴ ᤛᤢᤜᤠᤱᤕᤢᤰᤐᤠᤸᤗᤧ ᤔᤧᤳᤋᤢ. “ᤀᤠᤍᤠᤱᤒᤣ. ᤀᤡᤱᤃᤠ᤹ ᤀᤠᤛ᤻ᤛᤠ᤺ᤴ ᤔᤧᤴᤇᤡ᤺ᤀᤣᤛᤠ ᤕᤧ᤹ᤀᤥ॥”