Juan 3:23-33

²³Daje llezica Juan, Enón énɨemo báutizade. Enón Salim áɨnomo ite. Dɨnomo báutizade, aillo jaɨnoi illa jira. Iemona comɨnɨ báutizaɨbitiaɨoɨ.

²⁴Bifue fɨnódiaɨoɨ Juan naɨ llavéracomo úiñenia.

²⁵Juan llófuegamacɨmona dáarie judíuaɨmo úrizaide. Comɨnɨ ɨ́aɨfue oni dollɨ́nodo úritiaɨoɨ.

²⁶Juaana daɨízaɨbitiaɨoɨ: —Llófueraɨma, naui o dɨga itɨ́mɨe, Jordán ruicáfellemo itɨ́mɨe, caɨmo o llogámɨe, ja comɨnɨ báutizade. Nana comɨnɨ afémɨe dɨné jáidiaɨoɨ, —daɨdíaɨoɨ.

²⁷Iemo Juan afémacɨna daɨde: —Juzíñamui cómemo ifue fécañenia, bumo ráfuena íñeite.

²⁸Cue naui uáfuedo daɨnafue danɨ cacádɨomoɨ. “Crístoñedɨcue” daɨdɨcue. Afémɨe uícodo orécamɨedɨcue.

²⁹Aɨrenafuemo rɨngo otɨ́mɨe ua rɨngo óite. Otɨ́mɨe nabai afe dɨnó itɨ́mɨe ie úrillana cacade. Cacáillanona íeri ɨere ióbite. Daje izói biruido cue ióbidɨcue.

³⁰Nágarui afémɨe jamánomo illáɨmana jáizaide. Ie llezica cue jabómɨeitɨcue. Daɨí jitáirede, —daɨde.

³¹Juan naɨ úrite; daɨde: —Caifona bitɨ́mɨe nana caɨ jaɨnáinamɨe. Bie énɨe ímɨe ja bínɨemo jaɨnaide. Enɨe ífuena úrite. Mei íadɨ monámona bitɨ́mɨe nana caɨ baɨmo jamánomoidɨmɨe.

³²Afémɨe cacánafuedo úrite ie cɨónafue dɨga. Iadɨ afémɨe dáɨnana buna ɨ́ɨnoñena.

³³Da come ie dáɨnana ɨ́ɨnoiadɨ daɨí Juzíñamuimo faɨríote. Ua daɨí Juzíñamui uáfuena daɨnafue uáfuetaite.