Juan 10:2-5

²Cuncha puncupa yaycog cagmi isanga uyshapa ämun caycan.

³Musyashgansinöpis cuncha puncuta quichapasquiptin uyshapa ämonga jutinpa jutinpa gayan uyshancunata. Sayno gayashganta wiyashpanmi cunchapita uyshancuna yargayämun.

⁴Lapan yargamurnami ämunpa guepanta aywayan, ämunta reguiyashpan.

⁵Jäpa captenga manami gatiräyansu. Gatiräyänanpa trucanga gueshpirmi aywacuyan.”