JOSUÉ 21:34-43

³⁴Huan nopa levitame tlen hualajque tlen icone Leví tlen itoca Merari quiselijque ni altepetini: Tlen nopa hueyi familia Zabulón quinselijque nahui altepetini ica ininpotreros: Jocneam, Carta,

³⁵Dimna huan Naalal.

³⁶Tlen nopa hueyi familia Rubén quinselijque nahui altepetini ica ininpotreros: Beser, Jahaza,

³⁷Cademot huan Mefaat.

³⁸Tlen nopa hueyi familia Gad quinselijque nahui altepetini ica ininpotreros: Galaad, se altepetl campa hueli momanahuise, huan Mahanaim,

³⁹Hesbón huan Jazer.

⁴⁰Huajca ica nochi iteipa ixhuihua Leví tlen hualajque ipan icone Merari huejcajquiya quiselijque 12 altepetini.

⁴¹Huan nochi iteipa ixhuihua Leví san sejco quiselijque 48 altepetini,

⁴²huan sese altepetl quipixqui ipotreros.

⁴³Huajca TOTECO quinmactili nopa israelitame nochi nopa tlali tlen ininhuaya mocajqui ininhuejcapan tatahua para quinmacasquía. Huan nopa israelitame nopona mocajque para itztose.