JOSUÉ 21:32-42

³²Tlen nopa hueyi familia Neftalí quinselijque eyi altepeme ica ininpotreros: Cedes, se para ipan momanahuise ipan tlali Galilea, huan Hamot Dor huan Cartán.

³³Huajca ica nochi nopa gersonitame quiselijque 13 altepeme ica ininpotreros.

³⁴Huan nopa levitame catli hualajque tlen icone Leví catli itoca Merari quiselijque ni altepeme: Tlen nopa hueyi familia Zabulón quinselijque nahui altepeme ica ininpotreros: Jocneam, Carta,

³⁵Dimna huan Naalal.

³⁶Tlen nopa hueyi familia Rubén quinselijque nahui altepeme ica ininpotreros: Beser, Jahaza,

³⁷Cademot huan Mefaat.

³⁸Tlen nopa hueyi familia Gad quinselijque nahui altepeme ica ininpotreros: Galaad, se altepetl campa hueli momanahuise, huan Mahanaim,

³⁹Hesbón huan Jazer.

⁴⁰Huajca ica nochi iteipan ixhuihua Leví catli hualajque ipan icone Merari huejcajya quiselijque 12 altepeme.

⁴¹Huan nochi iteipan ixhuihua Leví san sejco quiselijque 48 altepeme,

⁴²huan sese altepetl quipixqui ipotreros.