Joshua 24:14-17

¹⁴Karaku Bada ko kumarei ba nuwanuwami tupanai ko bosaibiri. God mutusi nosinosimi Euphrates okowina sepinai, ba Egypt kamonai si bopepetisi wai koi garugaru, ba Bada ko bosaibiri.

¹⁵Saba Bada bosaibirina sinimi ina kai wai, karaku niko kaonai kairavimi ko binei kata kotoi kona bosaibiri, abisiri yai god mutusi okowa sepinai nosinosimi si bosaibirisi wai, kona Amori biyisi asi god, asi kupurai ko mamana wai kosi. Saba yauku ba au rakaraka wai Bada kana bosaibisaibiri.”

¹⁶Damanina ba pipiya si kaobeya, “Yakai kega rubarubana Bada kana boterei ba god mutusi kana bosaibisaibirisi!

¹⁷Yakai Bada ama God ikesina Egypt kamonai tamatamakai yabata patuma kupurinai i uraba kasibauwikai, ba kiyakiyaya kaikaposi mataki ai i wose. Kona dam ba dam kamosi yai ama wagawaga ereonowanai i pota kabitamnikai.