Joshua 19:2-39

²Ala go Beersheba, Sheba, Moladah,

³Hazar Shual, Balah, Ezem,

⁴Eltolad, Bethul, Hormah,

⁵Ziklag, Beth Marcaboth, Hazar Susah,

⁶Beth Lebaoth, mo Sharuhen. Nia waahale aanei le e madangaholu maa dolu mono dama waahale ala i nadau daha.

⁷Mo nia waahale aanei: go Ain, Rimmon, Ether, mo Ashan. Nia waahale aanei le e haa mono dama waahale ala i nadau daha.

⁸Nia waahale lligi aanei le e hagapuni gi nia waahale lligi ala e haganiga nia waahale llauehe le e tugi loo i Baalath Beer (be go Ramah) dela i bahi i ngaaga. Di gowaa deenei la di gowaa e hai mee ginai nia madahaanau o di madawaawa Simeon.

⁹Di gowaa ne wanga gi Judah le e mada damana ang gi ginaadou, malaa di baahi di guongo o Judah guu wanga gi Simeon.

¹⁰Di tolu hudihudi ne wanga nia gowaa gi nia madahaanau o di madawaawa Zebulun. Tenua dela ne wanga gi digaula le e tugi loo i Sarid.

¹¹Tugi i golo, tagageinga la gaa hana gi dai gi Mareal, e tale gi Dabbesheth mo di monowai dulii i bahi i dua o Jokneam.

¹²Gei di baahi i golo o Sarid, tagageinga le e hana gi dua gi tagageinga o Chisloth Tabor, gaa hana gi Daberath, gaa hana gi nua gi Japhia.

¹³Gaa hana hua beelaa gi dua gi Gath Hepher mo Ethkazin, ga huli adu gi Neah i di ala dela e hana gi Rimmon.

¹⁴Gei i bahi i ngeia, tagageinga le e huli adu gi Hannathon, ga odi i di gowaa mehanga gonduu o Iphtahel.

¹⁵E hagapuni labelaa gi nia waahale aanei: go Kattath, Nahalal, Shimron, Idalah, mo Bethlehem. Nia waahale aanei le e madangaholu maa lua mono dama waahale ala i nadau daha.

¹⁶Nia waahale aanei mo nadau waahale lligi la i lodo tenua dela ne wanga gi nia madahaanau o di madawaawa Zebulun e hai mee ginai.

¹⁷Di haa hudihudi ne wanga nia gowaa gi nia madahaanau o di madawaawa Issachar.

¹⁸Tenua dela ne hai mee ginai digaula la nia waahale aanei nonua: go Jezreel, Chesulloth, Shunem.

¹⁹Hapharaim, Shion, Anaharath,

²⁰Rabbith, Kishion, Ebez,

²¹Remeth, Engannim, Enhaddah, mo Beth Pazzez.

²²Tagageinga le e tale gi Tabor, Shahazumah, mo Beth Shemesh, gaa tugi i Jordan. Nogo iai labelaa nia waahale llauehe e madangaholu maa ono mono dama waahale i nadau daha.

²³Nia waahale aanei mo nadau waahale lligi la i lodo tenua dela ne wanga gi nia madahaanau o di madawaawa Issachar e hai mee ginai.

²⁴Di lima hudihudi ne wanga nia gowaa gi nia madahaanau o di madawaawa Asher.

²⁵Tenua dela ne hai mee ginai Asher la nia waahale aanei nonua: go Helkath, Hali, Beten, Achshaph,

²⁶Allam Melech, Amad, mo Mishal. I bahi i dai, tagageinga le e tale gi Carmel mo Shihor Libnath.

²⁷Tagageinga ga huli aga gi dua gaa hana gi Beth Dagon, gaa tale gi tenua o Zebulun mo di gowaa mehanga gonduu o Iphtahel, ga hanadu gi Beth Emek mo Neiel, ga hanadu beelaa gi ngeia gi Cabul,

²⁸Ebron, Rehob, Hammon, mo Kanah, adu loo gi Sidon.

²⁹Tagageinga ga hagabiga i golo gaa hana gi Ramah, gaa tugi i di waahale abaaba maaloo dela go Tyre, ga hagabiga i golo gaa hana gi Hosah, gaa hana ga odi i di Tai go Mediterannean. Nogo iai labelaa nia waahale go Mahalab, Achzib,

³⁰Ummah, Aphek, mo Rehob. Nia waahale aanei le e madalua maa lua, mono dama waahale ala i nadau daha.

³¹Nia waahale aanei mo nadau waahale lligi la i lodo tenua dela ne wanga gi nia madahaanau o di madawaawa Asher e hai mee ginai.

³²Di ono hudihudi ne wanga nia gowaa gi nia madahaanau o di madawaawa Naphtali.

³³Tagageinga le e hana i Heleph gi di laagau ‘oak’ i Zaanannim, gaa hana gi Adaminekeb, gaa hana labelaa gi Jamnia, ga hanadu loo gi Lakkum, gaa tugi i Jordan.

³⁴E tugi i golo gaa hana gi dai gi Aznoth Tabor, gaa tugi i Hukkok, e tale gi tenua o Zebulun la i bahi i ngaaga, gei tenua o Asher la i bahi i dai, gei di monowai Jordan la i bahi i dua.

³⁵Nia waahale abaaba maaloo o Naphtali: la go Ziddim, Zer, Hammath, Rakkath, Chinnereth,

³⁶Adamah, Ramah, Hazor,

³⁷Kedesh, Edrei, Enhazor,

³⁸Yiron, Migdalel, Horem, Beth Anath, mo Beth Shemesh. Nia waahale aanei le e madangaholu maa hiwa, mono dama waahale ala i nadau daha.

³⁹Nia waahale aanei mo nadau waahale lligi la i lodo tenua dela ne wanga gi nia madahaanau o di madawaawa Naphtali e hai mee ginai.