Jon 9:3-10

³Jigetka kewö meleŋnök, “Nanŋak siŋgisöndok kun qahö ahök aiga iwinamŋan siŋgisöndok qahö ahotmö, Anutugö kukösumŋan yaŋgö malmalŋe aukŋe asuhumapköra mewö ahuyök.

⁴Wehönöŋ asariba ahözawaŋgöreŋ mönö melaim niŋgiyöhaŋgö nuwa töp memba malbin. Suŋgem akŋawi, miaŋgöreŋ körek nup membingö osibin.

⁵Nöŋön gölmenöŋ malmamaŋgö dop gölmeŋi gölmeŋi eŋgö asakŋini aka asariba malmam.”

⁶Mewö jiba gölmenöŋ söutköi geiga gwakötak meleŋda jegömöl azigö jeŋe timbiliyök.

⁷Timbiliba kewö jim kutuyök, “Gi mönö Siloam o aŋgönöŋ anda jegi saŋgoŋman.” (Siloam qet mi nanine keunöŋ Melaimelai azi.) Mewö jim kutuiga anda jeŋi saŋgoŋni tohoiga ui asariiga liliŋgöba miriŋe kayök.

⁸Mewö kaiga alaurupŋan kösutŋe malgeri aka tosatŋan mutuk nene yuaigöra ulet eŋgiba mali ekeri, yeŋön i eka jiget, “Jegömöl azi nenegö uleta tata malöhi, yaŋön azi mia me?”

⁹Tosatŋan jiget, “Yaŋön mönö mia.” Tosatŋan jiget, “Qahö, kaisoŋgolomŋi i ewö akzapmö, yaŋön qahö.” Mewö mewö jigetka nanŋak jiyök, “Nöŋön mönö ia akzal.”

¹⁰Mewö jiiga kewö qesiget, “Jegi mönö denöwö aknöŋga tohoza?”