Jon 7:46-51

⁴⁶Lato pahoi ukek, “Tel seilon ien kak hanowi ka i tel masiwi tapein. Tap tel kaakawen masin tel seilon ien!”

⁴⁷Teka Parisi kak ukek, “Kaie i puluti hetekiewen amuto?

⁴⁸Saka tap tel ti kako teka Parisi ma na teka masiwi laha soh tetan.

⁴⁹Mewenae teka seilon ie tap namilolaha laha soh tetan nake laha kum tioi aluini kakai Haeu ape Haeu hani laha kaui kawatan.”

⁵⁰Nikodimus, tel ti teka Parisi i paxaiwen Jises ti imat, i hone teka liai,

⁵¹“Nauna ti Moses halini kako tieniai tel seilon na kako tai hong ma upia mataini waliko ti i ailewen.”