Jon 7:46-51

⁴⁶Te enesigi bidi dabego po wei ponoyu, te po wai, “Polobadu bidi mego Jisasgo wabo po tiwai munu me wai menio,” te po wai.

⁴⁷Tama tialima, te Farisi bagego dwai homu eyu, augwalibolo po wei ponoyu, te po wai, “Agai dage me ili po ola maniwe?

⁴⁸Da tobolu bidi hani dali, Farisi bidi hani dali dago Jisasgo wabo pode homu musiąbaso, te dagego me agabolo duga homu mugio.

⁴⁹Tialima, te olo we bidi hani augwaligo Godigo bomo yai po page konebeo. Tama tibaso, augwali Godigo gedude dola silaibao,” Farisi bagego te po wai.

⁵⁰Nikodemus te bidi polobadu Jisas pageba pai, te bidi te Farisi aga hani tobolu bidi me. Tama agai augwalibolo te po wai,

⁵¹“Dago bomo yai po e tiwai dao, te olo bidi me po tų odosiąbadi, dago te bidibolo sęgę magobeo. Aga yali sę po dago odama, te aga dwai sę ebaso, teda dago aga po tų elama, sęgę mawaibao,” Nikodemusgo te po wai.