Jon 5:21-32

²¹Ne ge, gor una i gun wordo mal embe, wariye yene nomane paro mal pille, una i gun woro aunda.

²²Ne ge una porapora kot ye naunda, man, wariye ge kot piya.

²³Une embe yenda ge, una porapora Ne pille pla yenj mal embe, ga wariye pille pla yene. Ba una wariye pille pla nayei dal, ga na dje wori woll iwa pille pla nayene.

²⁴Na kandja kaima dje ye aundo, una na kandja djindo ge pille, na Nena na dje wori woll iwa pillgi dji dal, gun molo pane, kot naine, man, goi mal moi ge kere gun molo pane.

²⁵Na kandja kaima dje ye aundo, ege ta yenda we dji ge ipon yero. God wariye yau tondaka una goi mor ge pille moye. Una pille i dal, gun moye.

²⁶Yene Ne gun moro mal ge, yene yeworika wariye ge gun moro.

²⁷Une ge Una Wombe moro pille, yene Ne une namba awi, kot piya.

²⁸Na kandja djindo ge, ye pille gok nadjine. Ege ta yendaka, God wariye yau tondaka,

²⁹una gull al golo mor ge pille, aglo er orko wone. Una singare wopake ye wani dal, aglo erwo gun pineke, una singare ke ye wani dal, aglo er woneke God tonda we dji.

³⁰Jisas embe dji, nanam wal ta yeno kune nayenda. Na una okum tondo ge na Nena na dje wori woll iwa kandja djindo mal pille tondo. Ge pille, na okum tondo ge to kune yendo.

³¹Na wale wondo we dje na nanam djino ge kune nayenda.

³²Ba God moro. Na singare ne, kogo yendo ge une djindo, alla une kandja kaima djindo dje na kando.