JON 19:7-16

⁷Yaniwan ngana yake anzing iniking, “Nindane mama wamu takngatu kaya. Sike mama wamu waakngata anzing yanggak, ‘Aminu waapata yake na Anututane waaknga siknga ngang yakutde asiknga tangutna kupik,’ ngang yanggak,” ngang iniking.

⁸Iniwa wamu waaknga natake asiknga gwaukut.

⁹Asiknga gwauke gavman yot gwekatang gatuna koke ita Jesu inike, “Ga zane nana apata apuyak,” ngang inikwaikut. Siwan ngana Jesuta wamu yake dua inikut.

¹⁰Dua iniwan kake ita anzing inikut, “Dasingge? Gata nae wamu dua naniya? Na kekekngana kayaapa. Ge ga akgapmaba kuwiyakge bitakengu amin saamdakane akgutnanga. Asikaya gata ie dua natake wamu takngatu yake dua naninggayak,” ngang inikut.

¹¹Iniwan yake anzing inikut, “Anutu enandang nana apata gae kekeknga dua gamanu ga kekekngaka wena siwan gata nae sanga tapatu tasingamunanga dua. Unzingge aminu na gae kataune tekut tapatane waiaknganata gatane waiakngaka ayapbike buyambam siknga singgak,” ngang inikut.

¹²Iniwan wamu waaknga natake ita kepie tawake sandetewan kuwikge asiknga tasikut. Siwan ngana Judia aminda anzing yanggamataking, “Gata aminu waapa asandetewi kuwanu gata Sisatane notna dua, gan! Aminda inae buyambam tapa ngang yakengu ita Sisatane iwana dakngawik,” ngang yaking.

¹³Yawa natake ita Jesu kepman gatuna takepbut. Takepuke buka supda temake tasiking komu umana Hibru wam tangan Gabata ngang inikaingu waomune wam usanzikgak gakane siandakane pukwikut.

¹⁴Tapduk wa gwenu Pasova tapduk takwan gwendane sanga tandakngaking. Sike kepmaomu atdapakawan Pailatda Jesu takepuke pukwikut. Judia aminu anzing yanikut, “Gindane buyambam tapasa kanong,” ngang yaniwan ngana

¹⁵yake anzing yanggamataking, “Atanguyo! Atanguyo! Amin saamdakane tanguyo,” ngang yaking. Yawawa yake anzing yanikut, “Gindane buyambam tapasa ngana ginu nata amin saamdakane tanguwitde nataaing?” Ngang yaniwan Anutue yot takwan gwene pasikaing aminde takeakwakga anzing yaking, “Ninu buyambaminu tapatu wena! Sisa awia waapakan,” ngang yawa

¹⁶Pailatda Jesu amin saamdakane tangutningge yawan kekekakut.