JON 19:3-7

³Tasingamuke ie apu kem tanziyuk gaak wam inike, “Judia amindane buyambam tapanin,” ngang iniyuk amna wesiking.

⁴Unzing tasiwawa Pailatda gatuna epu kepman kuke anzing yanikut, “Nata natapa ita wai takngatu dua tasikut ngang nataat takngae ginda natdetningge nata kepman takepa kanong,” ngang yaniwana

⁵Jesuta kepman epuke bobingga gwasike tasingamukingu wa gwapakngane yuwawan tauu gamana wa sakaya unzing yuwawan epbut. Epana Pailatda yake, “Aminu aapae kanong,” ngang yanikut.

⁶Jesuta unzing kepman epan kake yot takwan gwene pasiya aminde takeakwakat gatu akayuya amikatda kake yanggamatake amin saamdakane tanguyo! Amin saamdakane tanguyo ngang yaking. Yawawa Pailatda yake anzing yanikut, “Ginda gisa take amin saamdakane tangutnong. Nata itane gutongana takngatu kawa wena singgakge nata dua tanguwit,” ngang yanikut.

⁷Yaniwan ngana yake anzing iniking, “Nindane mama wamu takngatu kaya. Sike mama wamu waakngata anzing yanggak, ‘Aminu waapata yake na Anututane waaknga siknga ngang yakutde asiknga tangutna kupik,’ ngang yanggak,” ngang iniking.