Jon 15:11-15

¹¹“Afa ka nem ohunaig sihiofin kana sifakal so ma nengel nai yi pahaiba afa enag sifakal nengel nai yi gofiba eba nem ihafenif.

¹²Afa kana nihe mo ohunaig esog afa ka nem membenig eso nengel gaba mingnagim gwenaig esegoni.

¹³Nalig membug eba enaig feg el so ma heafna nofkikenag wahianam eso heafna hihem kweagfug.

¹⁴Afa ne kana mom pahlukuiba eba ne kana hihe feg.

¹⁵Afa Sisas esog, Ka mas nengelim isug gafugag el oni eba misog el mangim onigigba afa heafna isug gafugag el mas enam anwanafi. Afa ka nengelim esonig neba kana hihe feg eso mungwali mang Awag kam wagfunag eba enag ka ati nengelim wagfunig.