John 6:38-40

³⁸For Y cam doun fro heuene, not that Y do my wille, but the wille of hym that sente me.

³⁹And this is the wille of the fadir that sente me, that al thing that the fadir yaf me, Y leese not of it, but ayen reise it in the laste dai.

⁴⁰And this is the wille of my fadir that sente me, that ech man that seeth the sone, and bileueth in hym, haue euerlastynge lijf; and Y schal ayen reyse hym in the laste dai.